《毒L和初戀相識的日子》: 第一百四十八章 實習

第一百四十八章 實習

踏入2017年冇耐，新一年已經過咗半個月喇。到咗1月16號，係第一日實習。大家都揀倒想入嘅公司。我同阿Paul、晴晴同家怡九點正就去到公司，然後上咗會議室等。見倒有我地班其他人都揀咗呢間公司，加埋總共有八個。

呢間公司嘅規模都算大，員工都有接近一千人，位於粉嶺嘅工廠區。

等咗幾個字，一個HR嘅員工入嚟，將我哋分配去唔同嘅部門。

個HR仲話遲啲學校會有老師嚟探我哋班，睇怕又會見倒梁sir了。





我被派去嘅部門有六個同事加一個主管。上晝佢哋都係教我啲簡單嘢，例如抄吓數啦，到放lunch戈時我同番阿Paul佢哋食。

晴晴同家怡都係做文職嘢，即係影印同埋打報告之類。而阿Paul就去咗其他部門。

之後，到下晝都冇乜特別嘢做就收工喇。

至於I大，sem 2開始了。逢星期四都要番去上堂，今個sem冇人quit。

另外，我地都要開始做Final Year Project。五月初要present，之後交report。





到夜晚，我又同Winnie開Skype傾計。

「你最近點呀？我地已經兩日冇喺Skype傾計喇。」Winnie同我講。

「兩日咋喎~ 最近咪開始番intern，攰死人喇。」

「辛苦你喇~」

「辛苦過番學好多...」





「咁你想唔想要啲獎勵先~？」

「咩獎勵呀~？」

Winnie喺鏡頭前比咗個心心手勢我。

「你加油啦，過埋intern就畢業啦。」

「係呀。到時我飛過嚟搵妳吖。」

「唔得喎，話咗你要儲低啲錢。你放心啦，今年放假我應該會番香港過，好快可以見面喇。」

「妳係先好...」

「我又點會呃你吖。係喎，我琴日去咗...」





就係咁，又同Winnie傾咗個幾鐘，同佢傾完計之後，個人即刻精神好多。






想快啲見倒妳。