《毒L和初戀相識的日子》: 第一百零二章 傾project

第一百零二章 傾project

今日係星期四，聽日就要交全人堂戈份proposal。我同Winnie約咗阿Paul、晴晴同埋家怡放學之後一齊做好份嘢佢。

今日淨係番上晝。食完lunch之後，我地去咗阿Paul喺太和嘅屋企。

「今次我地個Topic係Annual Dinner，目的係設計一樣遊戲去喺呢個場合度玩。」晴晴對大家講。

「咁我上次提過玩估歌仔，每組一齊估，之後派一個人出去鬥快拎咪講答案。你地點睇？」Winnie問。





「幾好吖~」我回應。

大家都同意。

「咁我同晴晴，家怡打份proposal，你同阿Paul去整啲純音樂出嚟比人估吖~」Winnie向我講。

就係咁，Winnie、晴晴同家怡喺部notebook度打份proposal，而我同阿Paul喺佢部電腦度去整啲出名嘅歌嘅純音樂，同埋整個PPT去訂番個流程。

大約個幾鐘之後，大家都做好喇。晴晴用阿Paul部電腦去print埋份proposal出嚟。





「聽日番去交埋就搞掂喇。」晴晴對大家講。

「咁我走先喇，我約咗人~」家怡笑笑口咁對大家講。

「我地都走喇~」Winnie望向我講。

「好啦，咁聽日見啦大家。我留多陣先走~」晴晴回應。

「聽日見啦~」家怡回應。





阿Paul、晴晴送埋我地出去搭Lift。

「拜拜喇~」Winnie講。

「拜拜~」晴晴回應。

我地行去太和火車站，再搭去上水。而家怡喺粉嶺落車。

「我約咗人呀，聽日見啦~」家怡向我地講。

「好啦，拜拜~」Winnie回應。

「拜拜~」我回應。

去到上水，時間係四點半。Winnie話想食啲嘢，我地去咗石湖墟戈邊嘅一間茶記食嘢。





呢個時間茶記入面冇乜人。我地叫咗兩個餐，分別係沙嗲牛通同埋餐蛋麵。味道就一般般。

食完之後，我同Winnie再搭小巴番去。喺車上，Winnie貼向我膞頭度瞓。

「醒喇~」我喺差唔多到戈陣叫醒Winnie。

落車之後，我地再次行到去地下大堂分別。

「聽日見喇喎，男班長~」Winnie向我講。

「嗯，拜拜~」我回應。

「拜拜~」









今次份project算係好快搞掂。