《毒L和初戀相識的日子》: 第一百零一章 介紹

第一百零一章 介紹

過咗兩日，今日係星期一。我同Winnie如常一齊番學，番到去之後Winnie去校務處交啲嘢，而我就自己上課室先。

我上到去課室出面，見倒阿Paul、我地班嘅阿添同埋讀幼教兼同家怡好close嘅阿文喺度吹緊水。

「你地傾緊咩呀？」我問佢地。

「阿文戈班幼教有個女仔好正，你有冇聽過呀，Joseph哥？」阿Paul向我講。





「聽過吓啦，好似叫Nicole?」

其實之前都有聽阿Paul講過。不過，同咗Winnie一齊之後，我都冇乜興趣去聽呢啲嘢。

「係呀，原來阿添想識人喎。咁啱阿文同Nicole係中學識到依家嘅朋友，咪諗住幫吓手...」阿Paul回應。

「係呀，你有冇辦法介紹佢比我識呀...，阿文？」阿添有啲難為情咁問。

「不過，人地好似已經有心上人喇喎。」阿文無奈地回應。





「咁識多個朋友冇壞㗎姐~」阿Paul回應。

「唉，咁... 好喇，我有個辦法。」阿文回應。

「咩辦法？」阿添問。

「搵日我約家怡同你地食餐飯，叫埋Nicole，之後我地輪流早走，淨番你地兩個，之後你自己諗喇。」阿文回應。

「雖然條橋老土咗啲，不過我認同呀~」阿Paul回應。





「好吖，咁靠你地喇。」阿添回應。

「約好日期再通知你地啦。」阿文回應。

「好，多謝你。」阿添回應。

之後夠鐘上堂，我將成件事同咗Winnie講。

「咁out㗎仲用啲咁嘅辦法識女仔。」Winnie回應。

「哈哈，我都覺~」我回應。

---兩日後---
---I大121課室---





佢地約咗星期二夜晚去旺角一間餐廳食晚飯，出席嘅有阿Paul、晴晴、阿文、家怡、阿添同Nicole。

今日番到去I大，我急不及待地走去問阿Paul。

「你地琴晚搞成點~？」我問阿Paul。

「食完晚飯之後，我同晴晴走先，而阿文同家怡都離開咗餐廳，之後得番佢兩個喺度。聽講阿添仲送埋人番屋企~」阿Paul回應。

「睇嚟有好開始喎~」我回應。

「唔好咁八卦啦，男班長~」坐我隔離嘅Winnie同我講。

離遠望到阿添臉上不時有笑容展露出嚟，佢應該已經成功行咗第一步喇。








今次阿文嘅辦法都算叫做成功，起碼互相介紹咗兩個人去認識。