《毒L和初戀相識的日子》: 第二十三章 酒後吐真言(中)

第二十三章 酒後吐真言(中)

「哈哈哈哈哈哈哈哈。」阿Paul突然好似個傻仔咁大笑。佢已經醉咗。塊面紅哂，訓咗喺張梳化度。

「原來阿Paul咁唔飲得㗎。」我無耐地講。

「我中意妳呀，我好中意妳呀。」阿Paul突然大叫。

「你中意邊個呀？」我問。





「我好中意晴晴呀！我要一世喺妳身邊！」阿Paul激動地講。

晴晴聽到覺得好sweet。

「我真係好~中~意，好~中~意。」阿Paul講完之後就冇咗反應。

我望吓電話，時間已經去到四點半。

「不如我地三個一齊送阿Paul番去？」晴晴問我同Winnie。





「好呀，搭的士番去囉。」

我扶住醉咗嘅阿Paul上的士。

「太和火車站吖唔該。」

番到大埔落的士，我同晴睛勉強咁扶佢番佢屋企。雖然佢「紅都面哂」，不過佢都仲有反應行倒路。

我地幾經辛苦終於行到座樓嘅大堂，晴晴同我一齊扶阿Paul上佢個單位，而Winnie就幫我地拎袋。





因為晴晴之前去過阿Paul屋企，所以佢知係邊個單位。

「叮噹」

阿Paul阿媽開門。

「嘩，個衰仔飲到咁醉呀，你地入嚟先啦。」

「你好阿，伯母。」

我同晴晴一齊扶阿Paul去佢張床，之後就同伯母傾咗幾句。

「咦，你地係阿Paul嘅朋友？」

「係呀，你好阿伯母。」





「依家咁夜你地留到有車先走喇，當自己屋企得㗎喇。」

「好。唔該伯母。」

「咁我入去瞓覺喇，你地自便喇。」

「好，伯母早抖。」

我同Winnie等到朝早六點就番去喇。











酒醉都有三分醒，我相信阿Paul真係好中意晴晴。