《毒L和初戀相識的日子》: 第二十二章 酒後吐真言(上)

第二十二章 酒後吐真言(上)

上到去Neway，好快就有房喇。

「點歌囉！」阿Paul同我地講。

第一首竟然係《越難越愛》，都唔知邊個點嘅。

「無懼世事變改 還是越難越愛 為你所以在期待」
晴晴同阿Paul好興奮咁唱。





「妳要離開 我知道很簡單 妳說依賴 是我們的阻礙
就算放開 但能不能別沒收我的愛 當作我最後才明白」當然唔少得我首飲歌 周董嘅《彩虹》。

「難離難捨想抱緊些 茫茫人生好像荒野 如孩兒能伏於爸爸的肩膊 誰要下車」Winnie揀咗呢首Eason嘅《單車》。

「誰人又相信一世一生這膚淺對白 來吧送給你叫幾百萬人流淚過的歌」 我地一齊合唱呢首《K歌之王》。

唱到中途，阿Paul突然話想飲酒。其實已經送兩杯嘢，仲飲咩酒吖。





「Joseph哥，叫半打啤酒兩份飲咯。」

「吓？」

「最多我請你飲喇。」

「咁好啦。」

跟住阿Paul就打電話出去落order。





未喺K房飲過酒嘅我，以為係一罐，點知係一枝..... 其實我酒量一般般。

「Joseph哥，一齊吹咗佢！」阿Paul拎住一枝對我講。

而晴晴同Winnie就好尊注咁唱緊歌。

「吹咪吹！」

「好波！第二枝！」

「驚你咩。」我回應。

點知，就出事喇。阿Paul已經訓咗喺度，睇嚟已經醉咗。我仲以為阿Paul好飲得㗎添。









真係唔好亂飲酒。