《毒L和初戀相識的日子》: 第二十四章 酒後吐真言(下)

第二十四章 酒後吐真言(下)

「晴晴，我地走先喇。」Winnie講。

「好啦，拜拜。我留多陣先走。」晴晴回應。

「拜拜。」

我同Winnie搭番火車去上水，再轉小巴番屯門。六點幾嘅早上，加上星期日，街上嘅人唔多。





我已經覺得好攰喇，好想快啲番去瞓落張床度。不過由大埔番屯門至少都要成粒鐘。

為咗令自己精神啲，我主動同Winnie傾吓計。

「估唔到阿Paul酒量咁差喎，仲學人一嘢吹哂成兩枝。」我同Winnie講。

「係囉，又係佢自己話想飲。」Winnie擰着頭地講。

「最爆嘅係佢竟然講埋啲咁肉麻嘅嘢。」





「哈哈，飲到醉哂，佢自己都唔知啦。晴晴聽完都覺得好sweet啦。」

「好彩我冇醉姐，如果唔係我應該都會喺倒大嗌。」

可能會講出啲唔想比人知嘅心底話，呢樣嘢醉咗嘅人係唔會控制例。

「如果男班長你都醉埋，咁我地都唔知點走喇。」

「哈哈，唔會嘅。」





其實我酒量真係一般般......

我地去到上水轉小巴，我上車一坐低就已經訓着咗。

「男班長，起身喇，就嚟到喇。」Winnie同我講。

原來我訓咗落Winnie個膞頭度。

「嗯。唔好意思呀，瞓咗落妳度添。」我同Winnie講。

「唔緊要啦~」Winnie回應。

我地落車之後行上商場，再喺老麥出面分開。

「星期一朝早見啦，男班長。」Winnie微笑地同我講。





「好呀。」我回應。

就係咁，同晴晴慶祝生日就結束喇。



難忘嘅一日。