[愛情走糖故]兩個人心底中不為人知嘅秘密,成為兩個人間嘅牽引: 156.你是我的信心

夏巧莘望住凌御生撒嬌嘅模樣，突然好似變咗做小奶狗咁樣，忍唔住又心動了，又唔爭氣咁答應咗凌御生

「好啦好啦…陪你啦陪你啦…」夏巧莘抿一抿唇

凌御生聽到之後笑了笑，然後企起身同時將夏巧莘抱起行入房

「喂，你唔洗沖涼呀污糟貓？」夏巧莘嘅食指指尖喺凌御生嘅鼻尖上點咗一下

凌御生直接拉住夏巧莘灘落床





「我出嚟之前就沖咗…」凌御生笑了笑

「但我要沖涼啵～」夏巧莘假裝不解地側側頭

「你去啦…你喺櫃桶隨便拎件衫就好…」凌御生醉熏熏的道，「你啲嘢喺第三格…」

凌御生直接就合埋眼大字型咁灘喺床上面

夏巧莘打開衣櫃喺第三格櫃桶拎咗自己啲嘢，然後隨便拎咗件T-shirt就行出睡房





凌御生側住身瞓喺床上，夏巧莘企喺浴缸入面開水沖涼

等到夏巧莘沖完涼之後再出嚟嘅時候，佢輕輕㩒低手柄推門入房，但發現凌御生坐咗喺窗台上

房裏嘅大燈都閂上，照亮房間嘅就靠一盞床頭燈

「你坐喺嗰度做咩呀？」夏巧莘閂上門，手上拎住除咗落嚟嘅衫褲，將佢地掛喺衣帽架上

凌御生一言不發，只係緩緩望過去門口，望住夏巧莘，眼神仍然有啲迷離





夏巧莘邁步走向盤着腿坐嘅凌御生，企喺凌御生嘅旁邊

「你中意我啲咩…？」凌御生撇開臉望向窗外

「中意你啲咩？」夏巧莘行到去凌御生面前坐低，儘管心中有啲疑惑，但夏巧莘都照回答，「中意你喺我面前嗰個本來嘅你、中意你嘅溫柔細心、中意你淨係對我好、中意你帶比我嘅安全感，中意你接受我嘅不完美。」

夏巧莘望住凌御生嘅側面，見凌御生冇出聲同時，喺凌御生嘅眼裏流露出半分的沒自信

「生…」夏巧莘即刻伸手拖住凌御生嘅手，「都去到呢一刻啦，你對自己有啲信心啦好唔好？我對你好有信心，因為同你一齊我先會覺得幸福，明嗎？」

「嗯…」凌御生聽到夏巧莘一臉認真咁講之後，凌御生露出笑容，伸手摸一摸夏巧莘嘅頭，「我知道啦…我當然信你。」

「你都要信自己先得㗎…」夏巧莘抿抿唇，「我中意平時嗰個有自信嘅你。」

平日自信滿滿嘅凌御生嗎夏巧莘嘅心中永遠都係最吸引、最charm嘅存在，夏巧莘最中意凌御生無喺咩時候都好有自信嘅模樣，咁樣嘅凌御生最令佢心動





「唔好諗咁多啦！」夏巧莘由窗台落到地面，然後小步跑到床邊朝凌御生伸手，「我地去瞓啦！」

凌御生望向仍然帶着半點稚氣嘅夏巧莘，不禁露出笑容笑起嚟，眼前嘅少女對佢如此信任，佢都要自信多啲

凌御生由窗台落嚟，行向床邊，夏巧莘見凌御生落咗地便垂低手，喺垂低手嘅同時左邊嘅衣領稍稍滑落

夏巧莘見到便立即整番好衣領，將衣領拉番上去，凌御生都見到夏巧莘衣領滑落嘅一刻，該死的瞬間就起了反應

凌御生行到夏巧莘面前時直接將夏巧莘推倒喺床上，夏巧莘嘅雙腿微微分開，凌御生一隻腳跪喺夏巧莘跪雙腿之間

「我唔係忍得住誘惑好多次…」凌御生一臉認真咁望住夏巧莘，講嘢跪聲線都壓低咗，語氣相當危險

「我冇誘惑你…」夏巧莘臉頰都紅起嚟，偷偷地移開了視線





過咗兩秒之後凌御生企番好，然後爬到床上掀開被，夏巧莘見凌御生要瞓都即刻爬入被窩

凌御生將夏巧莘拉到自己身前，然後溫柔地將夏巧莘攬住喺懷中然後合埋眼

夏巧莘都見眼瞓，畢竟今日又飲咗酒，酒氣加上睡意，雙管齊下，唔眼瞓就假啦…

翌日朝早，夏巧莘一大清早就醒咗，突然間想為凌御生煮早餐，做懾手懾腳咁落床去梳洗

「煮咩早餐比佢食好呢？」夏巧莘喺行去廚房嗰段路上細聲地喃喃自語

夏巧莘打開雪櫃，拎咗雞蛋、煙肉仲有腸仔出嚟，夏巧莘熟練地將雞蛋拎起，喺碗邊敲咗兩下，將雞蛋殼兩邊分開，倒出蛋黃蛋白，拎起筷子將雞蛋打勻


最 後 倒 數 1 0 集





IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link