[愛情走糖故]兩個人心底中不為人知嘅秘密,成為兩個人間嘅牽引: 157.突發事故

夏巧莘將平底鍋放喺電磁爐上面，將少量嘅煮食油倒入之後開火，待火溫將油稍微加熱後將蛋液倒入

待蛋液開始凝固後，便放入煙肉同腸仔一同煮熟

凌御生一個翻身，手自然地搭喺夏巧莘瞓嘅位置上

「人呢…？」摸到自己身邊嘅位置已經冷冰冰，冇咗溫暖嘅時候，凌御生睜開眼，見到琴晚同佢一齊瞓嘅枕邊人唔見咗，「去咗邊…？」

一陣香味撲鼻而嚟，凌御生坐起身，打開房門行出房，見到夏巧莘企喺廚房親自下廚





凌御生行去廚房，從後攬住夏巧莘

「早晨…」凌御生嘅聲線明顯地未清楚，有啲沙啞

早餐剛好煮好，夏巧莘閂上電磁爐

「你醒啦？」夏巧莘回頭望向凌御生，甜甜一笑，「快啲去刷牙洗面然後出嚟食早餐啦！」

「嗯嗯。」凌御生指一指自己嘅臉頰





夏巧莘甜甜一笑，喺凌御生嘅臉頰上落下一個Morning kiss

凌御生滿意地笑了笑然後轉出行出廚房去廁所洗面刷牙

當凌御生喺廁所行出嚟嘅時候，夏巧莘已經坐咗喺餐枱等佢

「快啲試下～」夏巧莘笑起嚟

「你煮咩都好食。」凌御生食咗一啖之後講道，「希望將來日日都有得食。」





「你咁講係咩意思先～」夏巧莘假裝唔明白問道

「就係…」凌御生伸手輕輕拖住夏巧莘嘅手，溫柔地微笑道，「希望未來每日都有你嘅意思。」

夏巧莘嘅心都要溶化，凌御生嘅一句說話令夏巧莘嘅心都甜膩膩

「聽住先啦～」雖然口係咁講，但夏巧莘嘅心甜膩膩的，臉上都掛住幸福嘅笑容，「今個Christmas要唔要一齊出去呀？」

凌御生當然知道嚟緊係Christams，因為要表演嘅日子已經愈嚟愈近，嚟緊呢個星期三晚就係表演嘅日子，嚟緊呢幾日凌御生都要同佢地一齊加緊練習

夏巧莘唔知道嚟緊喺Music week嗰日可以收到一個浪漫告白，凌御生早就預備好，佢上次當眾講咗夏巧莘係佢女朋友，但係呢個都唔算係正式嘅表白

雖然夏巧莘已經答應咗佢，不過始終都係想比夏巧莘一個正式嘅告白

「好呀，你話事啦～」凌御生笑了笑，「晏就送你番去。」





「好呀。」夏巧莘點一點頭

凌御生要喺晏就就送夏巧莘番屋企並唔係佢唔想見夏巧莘耐啲，而係今日晏就佢要練Band，唔可以比夏巧莘估到佢嚟緊要做咩，所以要送咗夏巧莘番屋企先

兩個人睇電視睇到2點幾，夏巧莘就換衫番屋企

「好啦，我地星期一見啦～」凌御生微笑道

「嗯！」夏巧莘點一點頭次後，送咗個Goodbye kiss比凌御生之後就一蹦一跳咁入大堂番屋企

夏巧莘剛踏入大堂，凌御生嘅電話就響起嚟

「番屋企拎埋結他就過嚟。」凌御生都冇等對面開口就講道





「你快啲過嚟啦！有嘢要商量！」電話裏頭嘅人聲音特別急躁，好似有啲咩大件事發生咗咁，凌御生聽到之後都冇多問，飛快地番屋企拎個結他就揸車出去

凌御生去到Band房所在嘅大廈之後，小跑起嚟跑到升降機前，上到Band房一打開門，見到鍾家豪同阿文咩都冇講，佢兩個只係默默地望住凌御生

啱啱趕到嚟嘅凌御生完全唔知咩事，見到佢兩個咁嘅表情，凌御生自然地望向軒軒

凌御生望到軒軒嘅時候，一臉驚訝

「生，我同唔到你地上台表演…」軒軒一臉抱歉，耷低頭望一望自己隻手

軒軒嘅右手打咗石膏，用三角巾包住咗

「你隻手…」凌御生掉低個結他喺鍾家豪旁邊，「發生咩事？」

「軒軒隻手骨折，佢打唔到鼓…」鍾家豪講道，「我地宜家要點好…？」





鍾家豪一臉茫然，軒軒喺Band入面嘅鼓手，但宜家佢隻手因為骨折而打唔到鼓

鍾家豪同阿文都冇辦法話事，所以要由凌所生作決定


最 後 倒 數 9 集

IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link