[愛情走糖故]兩個人心底中不為人知嘅秘密,成為兩個人間嘅牽引: 155.反差萌

「雖然你真係好靚，但係你個樣唔係最吸引我嘅原因…」凌御生輕輕一笑

凌御生嘅指尖喺夏巧莘嘅臉頰上溫柔地掃過

「我中意嘅，係你嘅…」凌御生講到一半突然停咗落嚟，然後又笑了笑，夏巧莘側着頭等待着凌御生嘅答案，「全部，只喺我面前有嘅嘢…撒嬌、柔弱…係真實嘅你…」

夏巧莘望住凌御生，最真實嘅嘢的確只喺凌御生面前展現

「嗯…」夏巧莘用力咁攬住凌御生，「淨係想做你嘅小女孩…」



「一直都會係…」凌御生嘅手放喺夏巧莘嘅後腦勺，「做我嘅專屬小女孩就好…」

夏巧莘望住凌御生，心中都唔知佢係真醉定假醉

「你真醉定假醉㗎？」夏巧莘低頭一笑問道

「醉啦…」凌御生意外地直接話自己醉咗，點知直接開咗撩妹模式，「見到你心都醉晒啦…」

「你真係飲醉啦～」夏巧莘好似好無奈咁，但臉上卻掛住甜蜜嘅笑容



「嗯…」凌御生點點頭，然後又道，「淨係為你而醉唔好咩？」

夏巧莘笑得好甜，佢冇諗過原來凌御生飲醉咗之後會咁可愛，仲要句句都撩佢一樣

「好…」夏巧莘點點頭

凌御生鬆開咗佢嘅手，然後行到長櫈坐低，拍咗兩下身旁嘅位置

夏巧莘行到佢嘅身旁坐低，凌御生合着雙眼微微仰起頭，感覺上就要等酒氣慢慢散去



「真係醉啦？」夏巧莘心諗，然後拎起啤酒罐望下酒精濃度，唔望由至可，一望嚇一跳，「多咗成3、4%…仲飲咗成5罐…比我已經醉到發酒癲啦…」

夏巧莘望向坐喺身旁嘅凌御生，凌御生仍然合着雙眼，夏巧莘盯着佢嘅側臉，小鹿又開始亂跑亂跳

夏巧莘放慢屋企企起身，靜靜地行到凌御行面前，然後彎下腰吻喺凌御生嘅唇上

凌御生緩緩睜開眼，夏巧莘定睛望住凌御生，喺燈光下唇以見到夏巧莘有點兒害羞，臉頰都紅起嚟

「你做咩偷錫我？」凌御生揚起嘴角微微笑道

「我係光明正大咁錫你。」夏巧莘講完之後

「咁你做咩要怕羞？」凌御生捉住夏巧莘嘅手腕用力一拉，夏巧莘向前一跌，另一隻手扶喺凌御生嘅博頭上面，「你又唔係第一次錫我…」

兩個人之間嘅距離喺一瞬間變得好近好近…對方嘅氣息都可以感覺到



「我先係嗰個可以完全擁有你嘅人…」凌御生因為飲醉咗，眼神變得迷離，增強咗佢嘅個人魅力

夏巧莘嘅心臟再一次強烈地跳動，完全比凌御生吸引住

凌御生嘅手繞到夏巧莘嘅腦後勺，用力地推向自己，直接吻上了

夏巧莘並冇躲避，佢中意感受到凌御生嘅氣息，中意沾到凌御生嘅氣味

「以後唔準再食煙…」夏巧莘輕輕推開凌御生，柔聲道

「聽晒你話就好。」凌御生勾唇一笑，「你話點就點…」

「番去未呀？」夏巧莘問道



「嗯…」凌御生企起身但企唔穩

「我送你番去啦～」夏巧莘扶住凌御生笑了笑

夏巧莘行喺凌御生身旁，同佢一齊行番去

行到凌御生嘅屋企門口，凌御生拎出鎖匙開門

「好啦，你小心啦，我番去啦。」夏巧莘將凌御生安頓好喺梳化上面之後便講道

正當夏巧莘準備離開打算邁步嘅時後，凌御生捉住咗夏巧莘嘅手腕

「不如你今晚留低陪我…」凌御生將夏巧莘拉到自己嘅懷中，「屋企得我一個人咋嘛…」

「淨係得你我更應該番屋企啦～」夏巧莘笑言



「我咩都唔會做…」凌御生搖搖頭，「雖然盒套仲喺我床頭…但我咩都唔會做…」

夏巧莘一下子唔知比咩反應佢先好

「唔好走…」凌御生收緊了雙臂之間嘅距離，將夏巧莘緊緊地抱住

凌御生合起雙眼，睇嚟已經有啲攰

「喂…」夏巧莘見佢要瞓着，頓時嗌醒佢

「唔好走嘛…」凌御生又開始撒嬌道，「夏巧莘…」






IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link