[愛情走糖故]兩個人心底中不為人知嘅秘密,成為兩個人間嘅牽引: 130.突如其來

「你最近好奇怪…」夏巧莘講道，凌御生停喺原地背住夏巧莘撥一撥頭髮，「自從你救咗我番嚟之後，你就特別奇怪啦…你到底做咩啦？」
夏巧莘走向凌御生，企喺凌御生嘅背後捉住佢嘅手腕
凌御生放喺褲袋入面嘅手不禁握緊了，喺佢心中嘅想法佢都唔知應唔應該講出口
「你到底做咩事啦？」夏巧莘輕皺起眉頭，心中更難受，因為凌御生突然間反常嘅行為令佢不安起嚟，「我可以…我會理解你㗎！」
「你真係會理解？無論咩事都好。」凌御生聽到夏巧莘嘅說話後便緩緩開口問道
「嗯…嗯！」夏巧莘肯定地嗯咗一聲
「夏巧莘，對唔住。」凌御生嘅手由褲袋抽出，然後推開夏巧莘嘅手
「做咩突然道歉啦…」第一次被推開嘅夏巧莘心中更不安，腦海中一下子浮現出所以唔好嘅想法，「做咩事啦到底？」
凌御生有啲遲疑，心中諗緊到底要點樣同夏巧莘講
夏巧莘見凌御生冇出聲，就嚟急到喊出嚟




「我諗我唔可以遵守我地之間嘅承諾…」凌御生喺夏巧莘正想開口再追問時講道
「咩、咩意思呀？」夏巧莘繞到去凌御生嘅面前同佢對望
但此時嘅凌御生臉上面無表情，眼神中流露出嘅只有冷酷，本來嘅溫柔已經消失得徹底
「我地唔會有結果，所以我地以後都係保持距離比較好。」凌御生呢番說話連同冷酷嘅眼神、聲線一同直打入夏巧莘嘅心房，「反正…我地本來就係兩個世界嘅人，本來就唔應該有交集。」
凌御生嘅說話一直喺夏巧莘嘅腦海中迴盪着，夏巧莘無法相信凌御生會同佢講呢啲說話，但事實上凌御生真係咁同佢講
眼眶因為呢番說話而泛紅，突然間一擁而上嘅衝擊令眼淚無法留喺眼眶之中，亦無法吐出任何字詞
「之前嘅事，你就抹咗佢，忘記咗佢啦！就當我地之間從未有任何關係，就當我地之間…係一個錯誤啦。」凌御生講出更冷酷嘅說話，夏巧莘嘅眼淚決堤，直接緊緊地捉住凌御生嘅手
「點解呀？發生咩事啦！突然間做咩啦！」夏巧莘用力捉住凌御生，佢無法接受凌御生突如其來嘅改變
「我地本來就係兩個世界嘅人，唔係咩…？」凌御生反問道
「唔係！」夏巧莘搖搖頭，「唔係…我地唔係…」




「夏巧莘，我地唔啱對方。我地一開始講咗，呢段感情係挽挽下㗎咋嘛，係交易嚟㗎咋！」凌御生提起兩人一開始嘅交易
「但係你動咗真情，咁即係唔係挽挽下啦！即係你都中意我啦！」夏巧莘喊到梨花帶雨似的
「咁由宜家開始，切斷呢段情咪得。」凌御生冇絲毫嘅猶疑，「我地之間嘅感情，只係一時之氣啫…根本你同我都唔係同一個世界嘅人！」
「唔係，我知道唔係一時之氣，我知你對我唔係，我亦知我對你唔係…」夏巧莘捉住凌御生嘅衣角，另一隻手放喺胸口前輕輕握緊，「我知你對我係真心㗎…我感受到…」
「都係之前嘅事。」凌御生簡單咁回答
「你話過，你唔會離開我㗎！你應承咗我㗎！」夏巧莘就嚟要癲，係難過到癲
「男人嘅承諾，可以信㗎咩？」凌御生輕輕一笑
夏巧莘兩隻手都捉住凌御生嘅手腕，搖搖頭
「凌御生，唔可以呀！你唔可以咁對我！」夏巧莘喊得更厲害，已經變成一邊抽泣一邊講，「我愛你，你知㗎！」
「我知，一早就知。」凌御生望住夏巧莘道，「但你係時候醒啦，夢醒啦，你係校花，要搵過一個唔難。」




「唔要！唔要呀！」夏巧莘喊住咁搖頭，「我淨係要你一個，其他人我都唔要！我淨係中意你一個呀凌御生！」
「對唔住，夏巧莘。」凌御生拋下一句，然後用力甩開夏巧莘嘅手，行到中間嘅長櫈上拎起書包孭起然後大步走向天台門，離開呢度
夏巧莘喊到無力，喺原地蹲低，將頭埋喺雙臂之中哭着

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link