[愛情走糖故]兩個人心底中不為人知嘅秘密,成為兩個人間嘅牽引: 131.我們是兩個世界的人

「凌御生…」夏巧莘輕喚着凌御生嘅名，縱使凌御生已經唔喺天台
凌御生落咗幾級樓梯，放慢腳步，慢慢就停咗落嚟
「對唔住…」凌御生回頭望住閂上咗嘅天台鐵門，喺心中默默抱歉地講道，本來對夏巧莘先有嘅溫柔眼神再次出現，「我都唔想咁，但年叔叔其實講得啱，我地真係唔係同一個世界嘅人…」
凌御生再次望番前方，然後落樓梯番課室
「我愛你，但係你唔愛我先係對你最好嘅方法。」凌御生腦海中全是夏巧莘啱啱喊得梨花帶雨嘅模樣，心疼極了，但佢最後都係狠下心腸
…
琴晚
凌御生去咗社團，睇下阿年點樣，始終阿年都係睇住凌御生長大成人嘅人，始終有份情
凌御生行入去其中一間房，房間唔算大，但都有一張床，一張長方型嘅木枱同櫈，都算係乾淨，環境都唔差
因為知道阿年唔會逃跑，所以凌天傲冇將房間上鎖，只係要求阿年喺房中反思，始終有兄弟情




「咁好嚟睇我呀？定係你要做啲咩呀？」坐喺床邊嘅阿年望向凌御生，笑咗一笑，「要幫女朋友報仇？」
「我純粹嚟睇下你。」凌御生行到房中，閂上房門，「年叔叔，我知道你對我媽嘅愛，對我老豆嘅恨，但係都已經過咗去啦，你就放低一切，過埋下半生啦。」
「衰仔，宜家教訓番年叔叔轉頭啦？」阿年無奈咁笑起嚟，「不過你都講得啱，諗深一層，其實大家都唔想…年叔叔同你講對唔住。」
凌御生拉開張櫈坐低，就算咩都冇講出口，佢嘅憂愁仍然掛喺臉上
阿年留意到凌御生嘅表情，似乎一眼就睇穿凌御生，默默地揚起嘴角
「生活嘅圈子唔一樣，始終係兩個世界嘅人。」阿年講咗一句，凌御生似乎明白佢講緊咩，緩緩抬眼望佢，「佢有咁好嘅條件，你有信心做一個配得起佢嘅人？有信心喺佢身前為佢擋子彈？」
平日嘅凌御生一定會即刻回答「我有信心」，但呢一刻，凌御生猶疑了，眼神中亦冇咗嗰份自信，睇嚟係因為夏巧莘被綁架呢件事，嚴重損害咗佢嘅自信心
「你冇信心呀？」阿年笑問道
「多得你…」凌御生苦笑道，嘴角微微揚起
「我只係其中一個…嗰啲叫咩引爆點呀？類似啦！呢個只係其中一件事，你係有信心嘅話，你會好似宜家咁？」阿年盤腿坐喺床上，「你係對自己冇信心定對佢冇信心？」




「Why not both…？」凌御生嘅眼中早就冇咗自信嘅光芒，眼神都塌咗落嚟
「你覺得冇能力嘅，咪叫佢搵個有能力保護佢嘅人囉～」阿年背靠着牆坐
「人地話，無情最是帝王家，生於黑幫家咪一樣無情…」凌御生嘲諷地苦笑起嚟，「兩個世界嘅人又點可能喺埋一齊…？」
凌御生仰頭望住天花板，無奈地苦笑，佢心中不禁問道，點解自己會生於一個黑幫家，係咪上天故意捉弄佢？
第一次遇到自己中意嘅女仔，但命運偏偏要整蠱佢…命運要佢地唔可以一齊？凌御生自己都覺得好疑惑…
天意注定佢唔可以同夏巧莘一齊？定係其實係佢唔夠愛夏巧莘，所以自己先會懷疑自己？到底係邊樣…？
凌御生行出阿年嘅房間，行到去會議室坐着，手中拎住阿歡拎上嚟比佢嘅酒，獨自一人坐着
「我要點做…？」凌御生喺心中問自己，「要放棄夏巧莘？定係我要繼續將佢困喺我身邊…？」
對凌御生而言，夏巧莘嘅安全先係最重要，其他事都比唔上夏巧莘嘅安全
「佢唔可以同我一齊…咁樣對佢先係最好…」凌御生再愛，都唔想要夏巧莘嘅生命受威脅，「只要佢對我死心，佢就會安全啦係咪…」




凌御生最後決定，忍痛「割愛」，佢「放棄」夏巧莘…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link