[愛情走糖故]兩個人心底中不為人知嘅秘密,成為兩個人間嘅牽引: 120.一定要救到她

鍾家豪聽到之後頓時踩油加速，夏學謙望向後座，只見凌御生低着頭，緊緊地握着夏巧莘嘅手
夏巧莘嘅手比起啱啱更凍，凌御生心中慌到要死，只可以希望快啲去到醫院
忽然間，凌御生對住鍾家豪講咗一句：「去Dr.Mak嘅診所。」
鍾家豪瞄咗一眼倒後鏡，一聲不吭點一點頭，凌御生同鍾家豪就好似心有靈犀一樣
「點解唔去醫院呀？」夏學謙頓時回頭望過去，「家姐要死啦！仲唔去醫院！」
「你家姐去咗醫院就真係會死啦！」凌御生沉着氣講咗一句，夏學謙頓時閉上嘴
凌御生望向夏巧莘嘅小腿，上面有着一道道深而長嘅傷痕，傷口上仍然有乾涸咗嘅血跡
心正揪着痛，比起喺白滑嘅小腿上用力𠝹一刀更痛，「傷在她身，痛在他心」…
心臟正揪着痛，淌着血，夏巧莘小腿上有幾多道刀傷，凌御生嘅心臟就有幾多道刀傷，每一道嘅刀傷都滲出鮮血
凌御生更用力咁捉住夏巧莘嘅手，緊抱着夏巧莘喺佢自己懷中，彷彿想要將自己嘅溫暖分比夏巧莘，希望自己嘅溫暖可以傳到比夏巧莘，佢會因為感受到自己嘅體溫而醒過嚟，縱使凌御生自己知道，呢件事冇可能發生


呢個時候鍾家豪急剎車，凌御生抬頭一望，原來已經到咗診所，凌御生頓時抱起夏巧莘行落車，直接行入掛上休息門牌嘅診所
「先生宜家係診所嘅休息時間，你唔可以入嚟㗎！」喺登記處嘅姑娘頓時企起身，推開旁邊嘅門行出嚟
行到凌御生面前一望先見到喺佢懷中臉色蒼白嘅女孩
「Dr.Mak喺邊？」凌御生嘅氣場強勁，散發着生人勿近嘅氣息
「喺、喺醫生房…」比凌御生氣場嚇親嘅姑娘自然地回答
凌御生聽到之後直接就行向醫生房，然後企喺門前望向姑娘
「麻煩你同Dr.Mak講一聲。」鍾家豪禮貌地講道
「哦、哦好呀…」姑娘行到門前，敲一敲門，「Dr.Mak，有人嚟搵你。」
「咔！」醫生房嘅房門開咗，姑娘推開門
「生，你點解嚟咗嘅？搵我有事？」著住醫生袍嘅Dr.Mak坐喺辦公椅上企咗起身，行到門前，望到凌御生手上抱住嘅少女，「發生咩事呀？入嚟先講！」


Dr.Mak請咗佢地入去醫生房，然後喺蹲低望枱底嘅一個數字鍵盤，㩒咗幾個數字，另一邊牆突然打開咗，入面係同診所完全唔一樣嘅另一個地方一樣
暗房入面完全係一個手術室，有齊唔同嘅設備，有手術床仲有其他專業嘅設備
Dr.Mak唔係一個普通嘅診所醫生，仲係一個黑市醫生，醫術高明
Dr.Mak望住夏巧莘蒼白嘅臉，眉頭不禁一皺，臉色有點凝重，呢個時候姑娘喺外面行入嚟，然後開始消毒喺手術室入面嘅嘢
「佢咩血型？」Dr.Mak問道
凌御生望向夏學謙
「O型。」夏學謙秒答道
凌御生喺一旁大概解釋咗發生咩事比Dr.Mak知道，然後溫柔咁將夏巧莘放喺手術床上
「我明白啦，嚟緊就交比我啦，你地喺出面等我。」Dr.Mak點頭示意明白，冇再講其他嘢
「你會救到佢㗎係咪呀…？」凌御生雙眸中彷彿再次點燃希望之光，捉住Dr.Mak嘅手臂，「佢唔會有事咪係咪呀…？」


「你喺出面等我就啱。」Dr.Mak微微一笑
鍾家豪拉住凌御生嘅手，拉住佢行出去
行到門口嘅時候，凌御生回頭望咗一眼，就心痛的比鍾家豪拉走
「佢會冇事。」鍾家豪拍一拍凌御生嘅博頭，然後行到去外面嘅長櫈坐低等着
夏學謙沉重咁呼咗一口氣，鍾家豪壓低佢心中嘅擔心，行到夏學謙旁邊坐低
「唔洗擔心，佢唔會有事。」鍾家豪講道，安慰着兩人同時，安慰埋自己

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link