[愛情走糖故]兩個人心底中不為人知嘅秘密,成為兩個人間嘅牽引: 35.煮飯仔

「我側面好睇？」凌御生留意到夏巧莘凝視住佢，笑咗一笑
「正面側面都好睇呀～」夏巧莘自然咁講，但係凌御生卻比佢呢個答案嚇咗一下，佢突然有啲手足無措，耳仔都紅晒，「你怕羞呀？耳仔紅晒咁嘅？」
「冇呀！」凌御生撇開臉，想掩蓋自己突然怕羞起嚟嘅事實
「你怕羞呀？好可愛呀～」夏巧莘想望凌御生嘅正面，於是不停探頭去望，但凌御生一直撇開臉
「咳…邊有人話男仔可愛㗎？」凌御生稍稍冷靜咗一下，乾咳咗一聲
「好cute呀你～」夏巧莘露出甜甜嘅笑容，伸手掐咗佢臉頰一下
「唔cute囉！」凌御生撥開夏巧莘嘅手
夏巧莘望住佢，不禁笑起嚟，眼前呢個男仔點解就會咁可愛？
「唉…」夏巧莘突然收起咗笑容，嘆咗一口氣，然後下巴靠喺凌御生嘅博頭上
「突然間做咩嘆氣？」凌御生望向夏巧莘，見住佢嘅心情明顯咗沉咗落嚟


「今日我去咗醫院探我媽，佢好番好多…」夏巧莘開口道
「咁唔係好事咩？做咩唔開心？」凌御生一臉疑惑
「我怕。」夏巧莘吐出兩個字，然後再講，「怕有一日突然又會變差…但當然我唔想…」
「放心啦，唔會變差…」凌御生伸手繞到夏巧莘背後，從後摸摸佢嘅頭
「嗯…」夏巧莘微微側過身子，然後伸手攬住凌御生
「唔會有事，唔洗咁擔心。」凌御生柔聲道，一手放喺夏巧莘嘅頭後，一手輕輕攬住夏巧莘嘅腰
面對眼前呢個女仔，凌御生總係好自然咁就變得溫柔，但淨係對佢先會係咁…
夏巧莘躲喺佢嘅懷裏，不安嘅心再次平靜落嚟，靠喺佢嘅胸膛前可以聽到佢嘅心跳聲
「我聽到你嘅心跳…」夏巧莘細聲講道，「跳得好快…」
凌御生冇出聲，靜靜咁攬住佢


「你洗唔洗番去食飯呀？」過咗一陣，凌御生先開口
「今晚細佬喺醫院陪阿媽，所以我唔洗番去食。」夏巧莘鬆開手，慢慢坐好起嚟
「你想食咩？」凌御生問道，「出街食可能會撞到人。」
「我食咩都可以，你煮呀？」夏巧莘講完之後撇開臉，手放喺鋼琴上再次彈奏一曲，彈起旋律優美但又夾雜咗半點傷感嘅《Kiss the rain》
「咁我煮比你食啦唯有～」凌御生講完之後就企起身行去廚房
夏巧莘冇回答，因為正專注咁彈緊琴，但係佢微微一笑
凌御生企喺廚房，拎咗午餐肉、菠菜出嚟，然後放低行去一邊洗米
樂曲去到尾聲，纖纖嘅手指慢慢咁喺鋼琴上提起嚟，企起身行去廚房
「有冇嘢要我幫手呀？」夏巧莘一蹦一跳行到去凌御生旁邊，「我幫下你手呀～」
「咁呀…」凌御生望一望枱上，然後將罐午餐肉放到夏巧莘面前，「切午餐肉啦～」


「好。」夏巧莘將午餐肉喺罐入面倒出嚟，喺刀架中拎咗把刀
凌御生喺洗手盆中開咗盆水，然後將菠菜都放入水中沉住洗一洗
夏巧莘將午餐肉放喺砧板上面，然後切開一片片
凌御生將洗好嘅米放入飯煲入面，夏巧莘偷偷望咗佢一眼，然後低頭自己甜甜一笑
「笑咩呀？」凌御生眼尾瞄到夏巧莘偷笑，然後笑住望向佢
「我地好似情侶挽煮飯仔咁。」夏巧莘抬頭望住凌御生笑，心中突然冒出一種想法：「如果我地真係情侶就好…」
「如果我地真係情侶，日日都可以同你煮飯仔放閃。」凌御生開玩笑道
「寶寶～咁我寧願你成日煮飯比我食啦～」夏巧莘瞬間情境代入，側着頭靠喺凌御生嘅博頭上蹭了蹭
看似完全唔怕羞嘅夏巧莘，其實個心早就噗通噗通咁快速跳動，個心好似要跳出嚟一樣
「好呀寶寶，娶埋你番嚟好唔好？」凌御生抹乾咗隻手，然後伸手抬起夏巧莘嘅下巴，揚起嘴角露出一個魅力滿滿嘅笑

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link