【港產片系列】獵殺影評人: 第七回

航程短暫，但幸福仍持續，兩人手拖手、肩並肩地落船。

二人彷如約定般，誰也不先開聲。

毛在想：「講乜好呢？係咪要問佢願唔願意做我女朋友呢？屌！手都拖咗，應該係女朋友啦啩？無理由仲要問。但點解佢又唔出聲呢？會唔會係我自作多情呢？可能拖手對時下?妺嚟講好普通㗎咋。」

Suki在想：「我係咪太cheap呢？咁快俾佢拖隻手，仲自已挨個頭埋去，佢會唔會以為我好隨便呢？」

不知是否想得太入神，Suki不小心踢到路肩，身子失去平衡向前一仆……





二人仍拖著手，毛本能地以另一隻手扶著她身軀，才令她穩定身形，不致跌個餓狗搶屎。

不過，毛發現扶著的……竟然是她的胸部，嚇得即時縮手。

毛：「對…對唔住，我唔係有心㗎……」

Suki面上一紅：「唔緊要啦，我知你都係想扶住我之嘛，何況我都無乜嘢可以蝕，因為我戴咗個阿婆Bra，好厚㗎，你應該乜嘢都feel唔到嘅。」

毛忍不住笑了起來，感到Suki比一般香港女孩爽朗，一句說話就化解了尶尬氣氛。





Suki突然一面正經，提起二人牽著的手：「身痕先生，因乜解救你拖住我隻手唔放呢？有無考慮過放手呢？」

毛知道Suki給機會自己表態，笑著道：「我唔會放㗎，我好保守㗎，妳掂過我隻手，一定要負責任做我女朋友㗎，如果妳敢放手，我嗌非禮㗎！」

Suki：「邊個話我一定要做你女朋友㗎？」

毛：「妳自己話㗎，頭先我掂妳個心口時，係妳嘅心聲隔住阿婆Bar話我知㗎。」

Suki：「哈哈哈！亂噏！」





看著Suki從心底湧出的甜笑，毛已不記得有多久未試過這麼愉快。

毛很感恩，但感因的對像不是神，而是鐡漢，若不是他，又怎會能和Suki「患難見真情」？

只是，在愉快的背後，澳門是否如他們所想般平靜呢？

二人到了市中心，於XX酒店租了一間雙人房。但Suki選了的是Twin Bed房，不是毛期望的Double Bed房。

進了房後，Suki撥電話給總編輯「報平安」。

總編輯：「一切順利嗎？喺邊間酒店落腳？身痕喺咪同妳一齊？」

Suki：「好順利，我而家住喺XX酒店，身痕住喺氹仔嗰邊嘅YY酒店。」

為免總編輯囉嗦，Suki說了謊。





總編輯：「咁就好啦，記住千祈唔好同身痕一齊，同埋盡量匿喺酒店房，我已經約咗鐡漢聽晚食飯，妳忍多兩日就無事㗎啦。」

Suki：「老總，今次真係唔該晒你，都唔知點報答你？」

總編輯：「以身相許咪得囉！哈哈！講笑咋！哈哈！講笑咋！」

掛了線後，Suki和毛里平落街添置幾套衣服及購買個人用品，因為剛才走得匆忙，二人只帶了隨身物品。毛更趁Suki不為意時，偷偷買了一盒安全套，還要是持久裝，始終那麼久未做個那回事，怕自己表現差勁。  

之後二人去吃晚餐，Suki提議去關閘附近吃水蟹粥，毛自然無異議。

別人看來，他們只是在約會的情侶，絶對聯想不到如此休閒的兩人，原來正在逃亡中。

這也難怪，連他們自己，都早已把危機拋諸腦後。





吃過晚飯，回到市中心再去吃燉㚫作飯後甜品。

回到酒店已接近午夜。

Suki先去洗澡，毛坐在床上看電視。聽著浴室傳來的水聲，毛勾起了種種遐想。

這時電視中斷正在播放的節目，插播了特發新聞，只見畫面為一幢起火中的建築物，不斷有人從中疏散。

毛把電視音量提高：『氹仔YY酒店發生四級大火，消防員現正灌救同疏散住客，暫時未知有無人命傷亡，跟據現場消息，火勢蔓延得極快，懷疑有人縱火。有逃離現場嘅工作人員聲稱，事發前影星鐡漢曾出現在酒店之中，但暫時未知鐡漢係咪已經離開酒店，定仲喺火場。請鎖定本台，一有最新消息，一定會第一時間直撃報導。』

毛倒抽了一口涼氣，氹仔YY酒店、有人縱火、鐡漢，一切會否過於巧合？

毛歇力進想，總編輯以為自己入住的YY酒店，剛巧發生火警，而起火原因亦有可疑，更巧合是有人看到鐡漢曾在現場出現。

真相可能是這樣：





總編輯把毛里平的行縱告訴鐡漢，鐡漢趕到澳門，前往酒店尋找毛里平，但毛里平沒入住紀錄，又或酒店不肯透露住客資料，鐡漢一怒之下放火燒酒店，寧可殺錯、不可放過！

不會是這樣吧？！