人要惡過車！: 八十二

「點呀？我啲戲得唔得呀？」Jenny 得意洋洋咁講。

吓，乜你扮醉㗎 ！？

「掂呀，奧斯卡女主角。」堯姐俾咗個Like Jenny。

「識講嘢呀，等阿姐我請食飯啦。」

「喎 ！！！」





「想食咩隨便講，叫你老公車我哋就得啦。」

乜你哋有車牌咩，唔係我做司機唔通你哋做咩……

「佢無問題啦，佢無得揀唔去！」

「喂你唔洗理你細佬咩？」我問Jenny。

佢諗都唔洗諗就答……





「唔洗理佢啦，佢自己識返屋企㗎啦。」

感覺上哩種家姐真係完全靠唔住呢，俾人一種做錯事就推個細佬去死嗰種，你明㗎啦。

。

結果我哋返咗入元朗打冷，作為一個良好嘅駕駛者，我當然唔會飲酒啦，但Jenny姐就……

「喂唔好飲啦，你頭先飲咗好多啦。」堯姐拍咗拍Jenny姐個頭。





「唔驚啦，我頭先都無事，Yeah！」Jenny姐一手舉起支啤酒，再大大啖灌落口。

如果一陣間要車佢返屋企，佢喺我架車嘔，咁我咪仆街！！！都係搵定佢細佬穩陣啲，即使佢要嘔都係嘔落佢細佬架車。

「你打嘅電話暫時未能接通，請遲啲再打過嚟呀。」

仆你個街，依家先嚟唔聽電話，咁即係要我哋送佢返屋企啦……

。

萬幸嘅係佢無喺我架車嘔，但係去到佢屋企門口嗰陣……

叮噹，叮噹、

無人應喎，佢細佬仲未返？





「喂，鎖匙呢？」

「係手袋呀，無嘅？無嘅？！」Jenny姐佢左搵右搵，始終搵唔條屋企鎖匙。

喺搵唔佢細佬又搵唔到鎖匙底下，我哋唯有帶佢返堯姐屋企。

。

喺Auntie同堯姐照顧緊Jenny姐嗰陣，淨低我同Uncle喺廳、

「僖仔幫我拎把𠝹刀過嚟呀。」

Uncle佢拎咗個紙盒過嚟，𠝹開個箱，拎咗個軑盤出嚟。





「哩個係？」

「N仔梯丫佬個軑，我諗住聽日裝上架車到，點呀，靚唔靚呀？」

「幾呀。」

傾多陣，其他人都瞓曬覺，我就做廳長。