人要惡過車！: 第八十章

八十

行完街都就日落，就返去停車場拎車。

「個個Fiona其實咩人嚟？」我問。

「係我哋師姐嚟。」

「咁你又識佢嘅？」





「我同Jenny之前問過佢拎啲參考資料嘛。」

「哦～」

「咁佢個Party喺邊度？」

「佢屋企。」

多謝曬，我一定知佢住邊啦。





「哦～曳啦，駁我嘴～」堯姐鼓起泡腮扮嬲。

仆街，我明明無講出聲㗎喎。

「嘻，講笑喳，佢send咗地址嚟，嗱。」

住邊呀？睇過～

屌，深灣9號！？條女咁撚有錢㗎咩？





「你應該識去㗎嘛？」

「嗯。」大概知道喺邊度，到附近兜兩兜就應該去到。

哩個鐘數行紅隧同香港仔隧道應該會幾塞下，咁唯有俾貴少少行西隧，再行薄扶林山路過南區啦。

。

一出西隧，喺西環直上薄扶林道，沿途無乜點塞車。

哄～嗚～～

唔～哩種聲係J’s Racing喉，果然不出我所料，後面有車片緊上嚟。

。





噢，係J’s 包圍嘅FD2喎，同我一樣係白色喎。

。

我頂你做咩推我？咁趕時間咪抽過隔離囉。

。

我屌你仲推？仆街係要迫我踩嘅！

正！前面一路都未有燈位，只係快相機前要收收車，不過話雖如此，條路始終係馬路嚟，有其他車喺度行，要玩都玩得安全啲。

一條大斜衝住落去，前面燈位仲長綠緊，啱曬。





過埋燈口就嚟到先左後右嘅S字形彎，後面架車都仲係要咬住我，有冇再煩啲？

唉，前面紅燈，收油嚕。

。

綠燈後有隻微右嘅彎，一少段直路再有兩隻左彎，但後面架車完全無諗過爬我咁款喎。

即使再有斜路衝落香港仔，以佢咁樣改法應該話咁易就爬到我呀，喺倒後鏡中望到，佢架車對比我部車嚟講係穩定好多，無任何多餘嘅跳動。相反我部車行過啲爛路位嗰陣太跳，而且條軚咬地力真係好一般，再快嘅話我應該會推頭，或者條軚唔咬地攬埋山。

既然係咁，我都係讓俾佢行先，萬一我炒車嘅話，受傷嗰個唔單止係我，仲有我身邊嘅堯姐。

「滴答，滴答⋯⋯」亮起嘅死火燈示意後車行先。

無幾耐，架J’s FD2已經無影無蹤。