人要惡過車！: 第三十四章

咁鬥完車嗰幾日都係過返啲平淡嘅日子，咁我就收到我個中學Friend嘅Whatsapp。

May哥：「喂。」

我：「做咩？」

May哥：「今個禮拜六出唔出嚟食個tea？」

我：「我ok呀，你仲有叫邊個？」





May哥：「村民、銓哥、飛比仔。」

我：「我搵埋Ken佢哋啦。」

May哥：「好呀。」

之後我就Whatsapp佢哋。

我：「星期六同May哥佢哋食糖水？」





皓：「好」

威：「ok」

Ken：「正」

咁平日都係同阿堯返學放學，行街食飯。

「我星期六同班中學friend去食糖水呀。」





「男定女呀？」

「有男有女掛。」

「咁我又要去，得唔得呀～？」堯用高八度嘅聲講。

「好呀。」

又過咗幾日，嚟到星期六，上咗一日堂，行咗一日街，夜晚去食糖水。

「好耐無見啦喎，哩個係僖嫂？」May哥話。

「Hi 」堯笑一笑。

「Hi Chloe姐。」





Chloe係May哥女朋友。

「姐姐聲叫到老哂。」

「May！」喺遠方嘅銓哥大嗌。

之後佢同女朋友就行過嚟。

「Hi 雅姐。」

「僖仔好耐無見。」

銓哥中一已經鍾意雅姐，終於比佢得米。





我哋吹住水等其他人，之後嚟嘅係村民同威威佢哋四個。

「你哋一齊嚟嘅？」May哥問。

「哩兩個人約埋行街嘛。」威威話。

「見到你拎住一袋二袋都估到啦，你無揸車咩？」

「無呀，我跟村民車。」威威話。

村民屋企有間出版社，同阿兒結咗婚，而阿兒都係我哋同學嚟。

「村民。」我叫。

「係。」村民答返我。





「無，我叫下你啫。」我喺度笑。

「WTF」村民笑。

阿Ken同阿皓兩pair都嚟咗。

「堯姐我哋又見啦。」阿婷話。

「社長近排點呀？」銓哥話。

「你就社長。」阿皓笑。

喺中學嗰陣，我同皓、銓就同社嘅，我哋成日笑鳩皓係未來社長，結果銓去做社長，雅姐就係副社長。





最後嚟度嘅飛比仔，佢原本同年嘅，不過留咗一年班，所以遲過我哋一年畢業。

「最遲請食糖水。」我話。

「多謝飛比。」May哥話。

「做咩咁遲呀？比王木木留你堂呀？」銓哥恥笑佢。

王木木係我哋中學老師，真係日日都派膠嘅，就係咁做就咗唔少gag。

「一定係咁啦，未交雙週記呀。」飛比喺度笑。

雙週記哩個gag係哩個王木木要了解學生而成嘅，佢話要學生寫哩份嘢比佢，咁啲人都係鳩寫比佢，佢就比返啲鳩嘅留言，所以成份嘢都係廢嘅。

「定係想飲茶呀？」我話。

「屌你啦。」阿皓講。

飲茶哩個gag係當年中學成班34人去飲茶，分三張枱，男一張，女一張，仲有一張係王木木同坐唔哂嘅女仔，咁男嗰枱坐唔曬，突咗一個人出嚟，咁啱阿皓遲到，結果佢就要同王木木隔離，而王木木又好關心阿皓，不斷叫佢食多啲，咁就比我哋笑足咁多年。

咁糖水嚟到，我哋就喺度邊吹邊食。

「飛比仔仲唔拍拖？」May哥問。

「哪有女？」飛比話。

「洗唔洗介紹啲姊妹比你呀？」Chloe問。

「有無咁好死呀？」飛比話。

「係喎，做咩唔介紹阿嫂呀你。」銓同我講。

「Hi，我叫阿堯呀。」

「堯姐好勁㗎。」阿淇話。

「係咩？」阿兒話。

「係㗎，你唔見佢收曬火咩？」阿婷指住我。

「吓話。」

「講起好似係喎。」阿兒話。

「全部都係堯姐嘅功勞嚟。」Cheryl話。

「唔係你哋咁諗㗎。」堯面紅。

「我哋明嘅，揸乾咗佢所以佢咪收曬火囉。」銓哥話。

「屌你哋啦。」我喺度笑。

———————————————————————————

哩篇應該（20/9）出嘅，但作者太攰瞓咗未出，Sorry呀(^^)