人要惡過車！: 番外篇——中秋（四）

個女仔走咗之後，我都返去搵佢地。
「去咗邊呀你？全村人等你呀。」阿雯問。
「我一個人抖吓啫。」
「仆街仔一定又走去溝女啦。」阿Ken話。
「收皮啦，搵你個Cheryl啦。」
「唔撚洗你提都識搵啦。」阿Ken話。
「講咩呀你？」Cheryl扭阿Ken隻耳仔。
「Sor囉，痛㗎。」阿Ken苦苦哀求。
「抵你啦。」我恥笑佢。
玩之後循例玩下真心話大冒險啦。仆你個街第一個又真係轉中我，咁我揀咗大冒險。




「向在座任何一個異性求婚。」阿皓叫。
「屌你啦。」四個女仔，三個有仔嘅，擺撚明鳩我啫，屌哪媽，頂硬上。
「er⋯⋯阿雯⋯⋯er⋯⋯願唔願意嫁比我？」
阿雯面都紅哂，仆街啦今次。
「唔好玩人哋啦。」阿婷講。
好彩阿婷幫手解圍，之後轉中阿雯。
「阿雯你鍾意嘅人喺唔喺度？」阿淇問？
阿雯面紅紅點頭。
「Wow。」成班仆街歡呼。
「識做啦阿僖。」阿威講。




「屌你啦。」我反佢白眼。
之後都係佢哋講下佢哋啲嘢，我喺度食花生。
返去嗰陣，我同雯一齊走，全程都尷尷尬尬咁。
「今晚玩得好開心呀，我哋返學見啦，拜拜。」雯繼續面紅紅dup低頭。
「好啦，早啲訓啦，拜拜。」
「嗯。」雯微笑。