人要惡過車！: 番外篇——中秋（三）

話咁快嚟齊哂，屌你三對拖撚哂手咁，得我一個毒撚。
「屌啦，得我一個毒撚。」我講笑。
「你唔記得咗我喇？」阿雯講。
「你無仔？係真唔係呀？」我喺度笑。
「呃你做咩」阿雯講。
咁燒嘢食都係一路吹吓水，一路食吓嘢。
燒燒吓，我一個人落咗沙灘吹下海風。
「𡃁仔，做咩一個人咁毒呀？」我轉頭望望，應該係一個同我差唔多年紀嘅女仔，嗰度太黑，我睇唔到佢咩樣。
「一個人吹下風啫，無咩毒唔毒嘅。」
「屌，毒就毒啦，扮乜春呀？」個女仔講。




「咁你又一個人？」我問。
「挑，講哩啲。」個女仔講。
「咕～」，仆街肚餓添。
「洗唔洗阿姐燒嘢過你食呀？」個女仔問。
「唔洗，我燒埋比你食都仲得呀。」年輕的我口出狂言。
「係真唔係呀？」
「係呀，你喺度等我啦。」我續説。
「好啦，嘻嘻。」個女仔偷笑。
我走返去，仆街唔記得問佢食咩添。我燒咗啲腸仔、雞扒比佢。
「燒得好靚喎，一定好好食啦。」個女仔講。




「梗係啦，咪住先，你係咪有咩企圖？」
「搞錯呀，諗到人咁，人哋只係想搵個人吹吓水啫。」
「知你籠嘢啦」
「嘻嘻，識得唔夠十分鐘就扮哂熟悉我，嘻嘻。」
「喂，阿⋯，差你一個喳，返嚟啦。」遠處有人嗌，但我聽唔到佢個名
「嚟啦！」個女仔大嗌，「好啦，有緣再見啦嘻嘻。」個女仔微笑。
「哦。」嗰陣咁On9嘅我梗係唔識抄人牌或攞人哋 IG 啦。