人要惡過車！: 番外篇——中秋（二）

終於到中秋正日，放學嗰陣我哋一班人喺課室。
「我返去換衫先，一陣見。」
「我都係，一陣間美樂等啦。」阿雯講。
其他帶埋衫返學換，所以得我同阿雯返去換。
「估下一陣間好唔好玩？」雯問我。
「一定好好玩㗎啫。」
行吓行吓就到阿雯屋企樓下。
「好啦，我上去換衫啦，一陣輕鐵站等啦。」阿雯微笑。
「好」
換好哂衫，嚟到輕鐵站。




「快啲啦，有車啦？」雯叫我。
「嚟緊啦。」
即刻拍卡衝上車，上到車有兩個位，我同阿雯一齊坐。嗰陣嘅我真係on9，一齊坐竟然會面紅。

嚟度美樂花園，佢哋已經喺度等緊我哋。
「屌你啦又遲到！」阿威講。
「仆街無車嘛。」
「我去拎嘢食。」阿Ken話。講完之後Cheryl跟埋去。
「我同阿皓去覇位」阿婷話。
「我同阿威都一齊。」阿淇話。




「咁我同阿僖去買嘢飲啦。」阿雯講。

講好之後，我同阿雯買嘢飲，買咗啲汽水同茶。