人要惡過車！: 番外篇——中秋（一）

幾年前某一日返學。

「喂，下個禮拜中秋喎，有咩搞先？」阿Ken講。
「屌你哋咪又係喺屋企毒。」
「你又唔好咁講，有冇興趣BBQ先？」阿皓講。
「去邊燒？」阿威問。
「蝴蝶灣囉一係。」阿皓提議。
「好。」
「得我哋四個咁撚毒？」阿Ken講。
「傻啦，我睇吓班女仔去唔去啦。」阿皓講。





過咗幾日。
「點呀？啲女仔嚟唔嚟呀？」阿Ken問。
「阿淇、阿婷、阿雯同 Cheryl 都會嚟。」阿皓答。
「你哋三個發達啦，佢哋三個都肯嚟。」
「挑，你聽唔到阿雯都嚟咩。」阿威講。
「阿雯嚟關我鬼事咩。」
「屌，扮撚哂蟹。」阿Ken講。
嗰陣真係傻，聽到阿雯嚟竟然會開心幾日。