人要惡過車！: 第二十五章

「返到嚟啦？」

「嗯。」

「煮咗飯啦，去執枱啦。」

「哦。」

我快快手執好張枱，等堯拎啲餸出嚟。
炒菜，蒸排骨，再加條煎魚，我知堯識煮野，但無諗過係咁勁。





「正喎，拍得住阿媽啲手勢喎。」

「係咪真㗎，嘻嘻。」堯甜笑。

「真係㗎。」

咁食完飯，我去咗洗碗。

「嘩，邊洗咁多洗潔精㗎，你就嚟成枝落哂啦。」堯説。





「唔係咁㗎咩？」

「梗係唔係啦，等我洗啦，你出去坐下。」

「唔好啦，你又要煮飯，又要洗碗。」

「咁你幫我抹乾啲碗啦。」堯微笑。

我同堯一個洗，一個抹，好快就搞掂，出返去梳化睇戲。




就係咁，我哋成個下晝就喺度hea，睇睇下堯瞓咗喺我膊頭到，直到夜晚。

「嘩，乜咁夜㗎喇。」

「八點幾啫。」

「你肚唔肚餓呀？」堯問我。

「少少啦。」

「咁我去煮飯啦。」

「唔洗啦，我落街買啦，廢事你咁辛苦。」我阻止咗堯。

「好啦，嘻嘻。」





我落街買咗兩碗雲吞麵，食完都差唔多要瞓，準備聽日返學。