人要惡過車！: 第二十章

今晚阿媽煮咗飯，所以直接返屋企。唔知錯覺定咩啦，阿堯嚟咗之後好似好餸咗咁。食飯之前，我咗咗喺梳化玩電話，而阿堯就入咗廚房幫阿媽手，睇睇下youtube，見到有個關於26(電單車)嘅channel，見到個騎士揸住架電單車喺大清飛，又真係幾型嘅，心諗：睇嚟遲下考返個26牌都唔錯。

過多陣，阿爸都返到嚟，同佢傾咗陣傾，事關佢對26都好似幾有研究咁，問咗啲有關揸26嘅嘢，聽完佢咁講我就更好想考26牌。

食完飯，沖完涼，瞓咗喺張床度上網玩電話，搵吓啲考26嘅資料。突然間，電話彈咗個ig通知出嚟
「yiu.h.29 剛剛張貼了1張相片」
咁我就㩒咗入去，原來佢po咗今日日落影嗰張相，即係我拖住佢，影住佢背影嗰張，下面caption淨係打咗個紅色心心，咁我當然係first like啦，無幾耐之後佢就行咗入嚟房，訓喺我隔離。
「睇咗個po啦？」堯問我。
「睇咗啦。」
「覺得點呀？」佢追問。




「幾靚呀，邊個娶到你真係三生有幸。」
「嘻嘻，口花花。」佢笑住咁講。
「夜喇，熄燈訓覺喇，早抖。」
「早抖。」
如果我枕邊人嘅身分係我太太，你話幾好呢。