人要惡過車！: 第二十一章

咁第二朝照舊係阿堯叫我起身，但今日同聽日都無堂上，所以哩兩日可以放鬆下。咁食咗個早餐，我哋落街散下步，之後去咗一個我細個成日去嘅地方——屯門公園。
喺我中學嘅時候，嗰度仲未有大媽唱歌，係一個好舒服嘅地方，而我嗰陣次次得閒都會走咗去爬蟲館，睇吓啲龜游下水，爬下爬下係真係幾得意嘅。

返緊屋企嗰陣，阿皓打電話比我。
「喂，今晚有賽車睇喎，一唔一齊睇？」阿皓問我。
「邊度先？」
「蝴蝶灣呀。」佢答返我。
「你等等呀。」
「堯，阿皓話今晚有賽車睇喎，去唔去？」
「好呀，橫掂我無去過睇哩啲。」




「喂阿皓，咁今晚見啦。」

話咁快就夜晚，我揸車嚟到蝴蝶灣。泊好車之後同堯去小食亭買嘢飲，一唔留神，有幾條金毛柒頭圍住咗堯。
「妹妹，有冇興趣上我車先，我揸車好快㗎喎」
條仆街仲開始對堯摸手摸腳，而堯就嚇到呆咗仲眼濕濕。
「停手呀！」
「我同妹妹講嘢關你撚事呀，死開啦毒撚。」
「佢係我條女呀，唔關我事唔通關你事呀柒頭皮。」
「好寸喎，夠膽一陣同我出去鬥返轉。」
「鬥咪鬥囉，你咁樣係唔會令我驚㗎。」講完之後幾條mk仔就走咗。




我即刻攬住堯，摸佢個頭。
「無事喇，我係到呀。」
「頭先我真係好驚呀，嗰班人無啦啦圍住我，我唔知點算好」堯流咗幾滴眼淚。
「無事㗎喇，我會一直喺你身邊保護你㗎。」
「係咪真㗎。」
「係。」
「嘻嘻。」