人要惡過車！: 第十九章

咁揸車返去途中，本身諗住慢慢揸返去嘅，點知經過汀九橋嗰陣，後面條仆街無啦啦又推又閃鳩我，我即刻黑哂面。
「唔好嬲啦，唔洗理啲on9仔喎。」堯叫我。
「嗯。」
後面架車見我不為所動，無啦啦喺右邊擒上嚟，屌原來係今朝部Hiace，佢又閘埋嚟又重dup，咁我就忍唔住。
「屌你老味，點撚樣呀。」我慶過火屎。
阿堯見到我咁嬲，都唔敢再出聲。
條友又無啦啦重dup，我差啲就炒埋佢度。
「屌你老母，仆街啦你。」講完之後我即刻比油cut出右線爬佢。
咁個傻仔跟住我尾，我轉返落屯門公路，咁車就未算多到塞死哂，咁我就好似上次龍翔道咁攝車，個傻仔又好似我咁攝。過咗啲塞車位之後無咁多車，飛百一、二都唔係好大問題，咁一線轉三線，三線轉一線，行apex，哩啲嘢我坐喺副駕駛座睇咗咁多年，簡直易如反掌。估唔到個傻仔係嗰啲「我肥屍一樣得」人嚟，學我咁cut，又唔係唔自己揸住架咩車，我喺後鏡望撚住佢失控，炒撚埋架泥鬼到，咁我梗係唔理佢，繼續揸返屯門啦。