人要惡過車！: 第八章

就喺我停緊達之路同歌和老街嗰枝燈嗰陣，隔離停咗架紅色

EG6，佢無啦啦開窗叫我。

EG6：「喂，鬥返轉？」

我：「無啦啦鬥乜嘢呀？」

EG6：「鬥車啦梗係。」





我：「我好廢㗎喎。」

EG6：「得啦，後生仔攞下經驗都好呀。」

我：「唉，好啦好啦，點鬥呀。」

EG6：「澤安邨燈口開始，大埔道，呈翔道，落葵涌道，荃灣

路，有線迴旋處當終點。」





我：「哦。」

我心諗：「今日做乜春咁多人聊我鬥車⋯⋯」

兩部車平排轉左上歌和老街，嚟到澤安邨燈位頭位。

EG6：「咁嚟㗎啦喎。」

準備上映一場康打千六機器大戰。





綠燈着咗，兩部Civic應聲彈出，澤安嗰個位係三線收兩線再收

一線，之後上大埔道橋都係得一線，落返呈翔道先有三條線比

你爬，結果佢架EG6起圍真係快，啱啱好喺我前面半個車位，

結果我跟住佢尾上呈翔道，嚟到呈翔道明愛嗰個例塞位，尤其

係下晝四、五點哩啲繁忙時間，多車到咩咁，我見佢左穿右插

咁，我又學佢咁飛。心諗後面啲車一定屌緊我哋趕撚住去死。

嚟到蝴蝶谷個隻先落斜後上斜嗰隻彎，我拖低一粒，谷高轉數

剷上去，經過啲爛路架車又真係幾跳下，落到盈暉臺隻彎我都





仲跟緊佢尾。嚟到葵涌道，又闊又平嘅公路要嚟鬥爆發一流，

阿雯架EK真心勁，越踩越有。我同架EG6平排上荃灣路，原

本架EG都贏緊我少少嘅，但係嚟到環宇海灣出面佢突然比架

的士閘一閘，我襯機攝上去，最後我贏咗嗰馬鼻。我跟住佢轉

入海盛路停低。

EG6：「好嘢喎，手車幾夠狠呀，我叫耀哥，點稱呼？」

我：「阿僖。」





耀哥：「僖仔，對鬥車有興趣嘅話嚟哩度搵我啦，我車房就喺

對面。」

我：「哦。」

耀哥：「有嘢做，走先。」

佢走咗之後，我都要送阿堯返屋企。