人要惡過車！: 第七章

上完堂，我同阿堯去咗學校附近個商場食lunch，一嚟就上咗

去最頂嗰層個food court，貪佢可以自己揀咩，唔一定要食同

一間。好彩嗰日唔太多人，好快就搵到位。最後我哋兩個都揀

食黑椒牛肉飯，咁當然我係要幫佢買同幫佢拎啦，食飯途中我

哋都有吹下水。





阿堯：「你架車都幾靚喎，你一定放咗好多心機落架車度

啦。」

我：「做咩咁好口呀，有咩企圖先。」

阿堯：「唔好諗到我咁先，只係想你陪我去行下街買下嘢

啫。」





女人入到商場啲時裝舖係可以行一日㗎，好彩我由細訓練到

大。

我：「知你籠嘢啦。」

阿堯：「仲要車我返屋企架喎。」

阿堯向我單咗下眼同伸一伸脷，代表我係唔會有機會拒絕。





結果我同佢行咗三、四粒鐘，又好好彩佢唔係亂洗錢嘅人，所

以我要拎嘅嘢唔多。


阿堯：「好，今日都差唔多，我哋返去啦。」

我哋兩個行返去停車場，我幫阿堯放好啲嘢喺後座，而佢自動

自覺坐咗喺副駕駛座。

結果一出大街，又有啲麻煩友煩我。