【#紅語綠】: 篇章二 觀塘

觀塘 - 如果畀我揀多一次，我諗我都係應該剪咗佢條J好啲

“我屌你咩！講咗十世嗰背景唔撚好用紫色呀！死港女咁柒鍾意用紫色！你老母你嗰腦裝屎㗎？聽日要present， 你今日仲畀屎我食？”

望住間廣告公司重新send 過嚟嘅draft，Katrina覺得自己呢一刻無dup爛部電腦真係好有家教。不過其實如果唔係因為公司呢一刻無曬人，我諗katrina 都唔會講粗口。

並唔係因為佢本身係一個斯文嘅女人，畢竟當年太子酒吧街爛口蓮呢嗰花名都唔係浪得虛名。katrina 今年26歲，係公司嘅public relationship and marketing executive。聽嗰名都知佢係大粒嘢，所以佢平時喺公司唔講粗口，單純係為咗維持自己嘅形象。喺佢嗰下屬口中，佢有另外一個花名叫做臭雞蓮，嗰名改得比較直接，可能係因為佢嘅下屬除咗佢秘書chole之外，其他都係男人。而男人對於嗰啲個樣生得靚平時為人處事又比較mean嘅人所改嘅花名，大多數都比較單一。

時代真係變咗，katrina有時候都忍唔住會感慨。現代人改花名來來去去都係臭雞呀，八婆呀，撚樣呀，一啲創意都無。佢回想佢呢一生人畀人改過嘅花名，小學因為生得又高，皮膚又白畀人叫過做棉簽，中學因為因為剪咗嗰冬菇頭，而且中學校服係黃色畀人叫過做金針菇。入咗u留返長頭髮，再加上本身生得靚，year one 都叫過得順順利利。弊就弊在year two 玩ocamp嗰時候，有條友一望到自己然後就嘔撚咗，畀人改咗個人肉催吐劑嘅花名。





「屌，點解會諗返起啲唔開心嘅嘢。」 katrina 心諗。因為自從嗰日之後佢嘅愛情運似乎行到咗盡頭。嗰日畀人嘔到嗰身鬼5馬6，返hall沖涼嘅時候發現佢room mate 同佢男朋友搞埋咗一齊。當時佢男朋友好緊張咁由佢room mate 身上跳開。仲笠住嗰dom，就沖過嚟解釋話佢room mate夾硬要幫佢含。當時已經係爛口蓮嘅katrina一腳車落佢 “男朋友” 條嘢度，跟住影咗佢裸照，用9秒9嘅速度wts晒畀佢所有嘅聯繫人。幾年之後，佢同佢room mate make peace，一齊飲酒嘅時候，佢room mate 話katrina 當年咁樣做都叫報咗仇。katrina 諗咗一諗，好堅決咁講

“如果畀我揀多一次，我諗我都係應該剪咗佢條J落嚟好啲。”

正正因為katrina 呢仲爛仔性格，佢入呢一間喺觀塘嘅marketing公司一年就昇咗做head，負責佢哋代理嘅其中一嗰brand嚟緊下個季度嘅廣告。katrina 有個理論，佢信唔過開喺觀塘嘅所有公司，所以用盡budget喺荃灣地區揀咗間pro 嘅，諗唔到都係咁嘅樣。katrina 深呼吸一口氣，拎起手機 send咗句voice message過去。

“喂～emily，我睇到嗰draft 啦，不過你可唔可以叫你嗰editor 聽日上公司present 之前改多一改嗰story board嘅 背景色呀，最好就唔好用紫色啦，因為同我哋今日嘅主題唔係幾夾唔該你呀。仲有呢，聽日我未必會喺公司，所以如果聽日有咩問題，可以隨時wts我㗎，聽日我秘書會負責招待你哋㗎” 含撚咀！on 撚9 ！

當然最後嗰兩小句無錄入去，不過為求保險，佢都係用電腦開whatapp web 聽多次自己段錄音。 一邊聽嘅時候，佢順手按開咗tinder，見到曾志偉已經read咗佢嘅晚安，之後無再覆。啱啱之所以掃佢，係因為見到佢自我介紹寫自己最鍾意嘅歌同自己一模一樣。





「The Only Things On My Mind Are Tacos and You」呢首係一首好小眾嘅歌，再加上佢幻想如果曾志偉同薛家燕結婚，生嗰仔會係點樣，佢忍唔住笑咗出嚟。佢對呢嗰人好好奇，因為鍾意得呢首歌應該都唔係正常人，所以katina send 多咗一句過去。

“如果你得返一個禮拜嘅命，你會做啲咩？”

katrina 望一望嗰鐘，原來已經差唔多4點，佢要快啲返屋企，沖個涼訓覺。因為聽日係一個佢期待咗好耐嘅日子。因為聽日

Katrina嘅「男朋友」會返香港


以上總算正式介紹完故事嘅兩位主角，呢一個係一個關於安排嘅故事，正如edward 都質疑過點解自己嘅人生驚女人，katrina 亦質疑過點解點解所有男人都驚自己。佢哋兩個嘅疑問將會喺第七日有答案。所謂安排可能就係咁樣一回事。