【#紅語綠】: Ch1 葵芳
葵芳 - 對於我嚟講，喺葵廣買一杯奶茶然後你吵住要飲一啖，就係我最想要嘅幸福。
Edward嘅人生只有兩件事係重要，賺錢同搵女朋友。 畢竟佢係葵芳附近嘅office 返工日日就去葵廣食lunch，望住一個二個成雙成對咁行街街。雖然edward又唔會話特別羨慕嘅，畢竟佢都拍過拖，但係望住啲人食串魷魚都要你一條我一條咁樣share嚟食。佢時不時都會萌生恭喜佢哋成家發達嘅諗法。
“我屌你魷魚8蚊一串，想食咪買多串囉，你哋咁樣share其實擺明係潤9我哋呢啲自己一個食成份酸辣粉嘅人啦！”
Edward都明白自己其實係酸緊佢哋，畢竟自己成日ff有咗女朋友之後帶佢嚟食嘢嘅時候，自己買一杯奶茶，佢會吵住要飲一啖。自己想要嘅嘢街邊嘅一個丫嬸都可以幫佢實現，點但係點解就係唔得。
原因好簡單，因為呢條茂利驚女人。唔好以為背後有啲咩悲慘嘅原因，純粹係因為佢讀咗10年男校，佢又犀利到小學到中學所有教佢嘅都係呀sir， 屋企又只係得返佢同老豆兩個人相依為命，甚至乎喺M記買18件麥樂雞餐，佢都未試過有女仔收銀幫佢落單。
所以你試諗下佢ocamp oday嗰日俾女圍嘅時候佢係幾撚驚，就係因為咁佢唔小心對住組媽嘔，嘔到人地成身鬼5馬6，我覺得都係一件可以原諒嘅事。呢件事之後嗰組媽有咗一個花名，叫做人肉催吐劑，最後甚至直接quit咗無玩落去。
Edward 其實一直都好內疚，以為佢唔係因為嗰組媽而嘔，佢唔記得嗰組媽具體生咩樣，但係佢可以好肯定嗰組媽好靚，因為佢由一開始就唔敢直接望嗰組媽對眼。並唔係因為驚，而係動物本能話佢知，一望你一撚定就會死，你連譚仔三小辣都食唔到，你想直接食麻辣口水雞？你無病呀嘛。edward 一直想喺下次撞到組媽嘅時候同佢講對唔住，但係犀利嘅就係4年，佢連組媽條毛都無見過，偌小的城，但係遇不見的人，你點搵都唔會見到。
就係咁，雖然佢表明上克服咗同女傾計呢樣嘢，但係佢內心，無時無刻都喺度震緊，佢之所以同ex分手，係因為睇電影嘅時候，條女想襯黑攬過嚟，佢好大聲咁喺電影院播緊Thanos啪手指滅世嗰一刻屌咗出聲，都算符合環境，所以條女即時都無懷疑。但係佢就清楚自己原來根本就無辦法同佢行一世，所以睇完電影，襯條女去廁所嘅時候，佢whatapp咗條女講分手。以仆街嚟講edward都真係有100分，所以我覺得佢呢一刻畀嗰刻第8次要求改design 嘅時候，可以話係報應。
“明明聽日就要present，你條友夜晚10點話有嘢想改，你即係搞9我啦” edward 一邊改story board 一邊屌出聲。
“係搞9我哋全部人，仆街” emily 一邊改緊print ad 嘅design 一邊應edward。
“大少呀？你可唔可以唔好成日接呢啲有麻煩pr嘅客呀？” 負責後期嘅龍仔都忍唔住屌咗出聲。
“係鬼我接㗎？我見都未見過，傾plan都係打電話過嚟傾咋嘛，不過聽把聲我都覺佢係臭雞。”edward 一邊揀sound effect 一邊幫自己辯護。
“喂！你又話佢好索嘅？” 龍仔一嘢扔檯面嘅網球去emily 度。
“你再亂扔嘢過嚟，我絕對剪咗你，我話你聽！” emily 係廣告部嘅sale 同 designer ，簡單啲嚟講就係食物鏈嘅高層，所以佢一嬲，所有人都靜咗快手快腳趕起份嘢。
半夜三點，佢哋終於走得，edward 一邊喺公司門口食煙，一邊等其他人執嘢落嚟，突然手機震咗一陣
「tinder 恭喜你有一個新的配對」
edward 都呆咗兩秒，因為佢down咗落嚟只係玩咗十分鐘，而且佢icon係曾志偉，佢click 入app 發覺原來係一個icon係薛家燕嘅女仔link咗佢。edward 覺得幾得意，特別半夜佢腦缺氧，佢決定reply。
“hi 家燕姐。”
「叮！」
“hi 八兩金。”
秒覆？？半夜唔訓覺，ewdard心諗條女嗰腦應該都有病。
“練緊十字步所以訓唔著？”
“on9😂我ot緊呀。”
“陰公囉，我啱啱收工。”
“咁夜未訓，怪唔得你生咁矮啦😊“
”我屌你😂”
“聽日再搵你傾，嗰客send咗嘢畀我了。”
“good night 薛家燕😪”
“晚安 曾志偉🌛”