【#紅語綠】

有時搭港鐵嘅時候我會諗，荃灣線同觀塘線真係好得意。分別由香港嘅最東同最西出發，一步一站咁慢慢靠近，唔小心相遇，搞到唔知幾多香港人試過搭錯車，原本以為會一直一齊唔會分開。但係突然間兩個嘅路又會重新分開，從此不再相遇。荃灣線最終遇上港島線，觀塘線最後都喺黃埔落地生根。呢一個係一個關於安排嘅故事，所謂安排就係指所有人同事都會按照一個既定嘅順序出現或發生，萬芥有因。所謂生活，想必最難都係如何喺接受安排同保持自我中間搵到平衡吧。