為左追到女神我要成為全級第一！: 第四十四章：

結業典禮完左之後，我地成班就係禮堂入面到影相，首先我當然同屋企人一齊影相先啦，之後再同小欣佢地一齊影相，話咁快學校就夠鐘閂門啦。我屋企人因為想快啲完成工作，所以就提早返上去工作，要下星期先可以再見到佢地，佢兩老講聲下星期先再見啦就離開左學校。

唔知點解我突然有啲肚餓，於是我就問小欣佢地食唔食下午茶，好啊！佢地異口同聲一齊講。如是者我地就去左陳叔叔間餐廳到食下午茶。一入到去就見到陳叔叔同一班員工忙住送餐，陳叔叔見到我地黎左就好熱情咁招呼我地，我地嗌完野食之後就係到討論今個星期六既露營。

陳叔叔係送餐個時無意中聽到我地講話要去露營於是送完餐就過黎同我地講話佢個大仔近排都好中意去露營喎！我就突然醒返起又好似真係喎，因為我早排見到翔哥即係陳叔叔個大仔個IG入面出左幾張新相係關於露營啲相，陳叔叔就同我地講話音如果有咩搞唔掂既地方可以搵佢幫手啊！講完之後就繼續去送餐。

食完之後佢地就上左黎我屋企到玩，去到樓下個時咁岩撞到翔哥佢，於是我就走上去同佢講聲Hello再同佢講話我地星期六會去露營所以想請教一下有關露營既事情，翔哥聽完就話無問題啊！返到屋企我打開門等翔哥過黎搵我地，點知見到翔哥拎住一袋二袋行過黎，我就過去幫佢拎啲。

放低野之後翔哥就同我地講話呢一袋係露營用帳幕個一袋係煮食工具照明工具等等...佢再同我地講去露營有咩地方要注意，最後同我地講記得注意安全，到時玩得開心啲啦！講完佢就返去自己屋企到。然後我地就去玩紙牌遊戲，今晚我地決定出去食飯順便買埋露營啲用品。





話咁快就到星期六啦！鬧鐘都未響我就起左身，我地相約十點去車站附近到食早餐，我抬頭望一望牆身既時鐘而加先九點幾，所以我決定去沖過涼先，執好晒啲裝備之後就出發去搵佢地。我琴晚臨瞓之前上天文台網站睇過呢幾日天氣都好好，都係天朗氣清。

本身我以為我係第一個去到，點知一去到就見到小欣企左係到等我地，於是我同小欣入左去坐低左先，等多一陣啊傑同啊儀都到啦。好快我地就食完早餐準備搭車前往浪茄灣到露營。唔知小欣係咪琴晚訓得唔太好，所以佢一上到車就挨落膊頭到訓著左，啊傑同啊儀見到就話洗唔洗咁快就放閃啊，到時去露營個時啲閃光彈會唔會係咁放呢，我無講野只係望住佢地輕輕一笑。