為左追到女神我要成為全級第一！: 第四十三章：

為左可以咁順利進行結業禮，學校都會安排領獎生係結業禮舉行既前一日返黎學校綵排一次，因為我今次有三個獎要拎，所以我要走三轉台，好彩小欣都要拎獎所以都叫有個伴陪下我咁。

轉眼間就黎到結業禮當日，由於學生同家長坐既位置係唔同，我送完我屋企人去佢地坐既位置之後，我同小欣兩個就去返我個班既位置坐低，時間都算早所以成個禮堂都唔係話好多人，但隨着時間嘅流逝，身邊開始愈黎愈多人，代表結業禮都即將開始啦！

見到司儀上左台宣布結業禮正式開始，首先歡迎校長為大家致辭，校長每一年既致辭都唔一樣唔知今年佢會講咩呢，好快校長就致辭完畢，即將去到頒獎儀式，雖然話係上台拎獎姐，但唔知點解都會有啲緊張，死啦我一陣仲要單獨上台演講，會唔會緊張到講唔到野架...

當司儀宣布到我個名，我輕輕咁走上台階，向頒獎嘉賓點一點頭講一聲多謝就接過張證書，當攝影師哥哥幫我地台上領獎生影完相之後我就落返台下面，呢一個動作我重複左三次，直到我拎晒我要拎既獎為止。

頒獎儀式結束之後就到我既個人演講啦！所有人都唔知今年係邊個去進行演講，所以都好期待究竟係邊個，小欣都有同我討論過會係邊個去演講呢，但佢唔知道同緊佢討論個個人正正就係一陣要上台演講個個人黎，唔知小欣知道係我會係咩反應呢？





正當司儀將支咪交比校長個一刻，我就知道我係時候準備要起身啦！當校長宣布我個名：歡迎李日俊同學今年為大家進行演講，就係呢一刻所有認識我既人既眼神都望向我個到，我企起身就已經感受到全場既目光集中係我身上，果一刻我覺得自己超級無敵緊張，我望一望小欣，小欣望住我微微一笑。

我上到台準備開始進行我既演講，我將我要講既內容大概寫落張貓紙，本身我諗住會用到點知最後都無用到，係演講既過程中，我大部分時間都望向小欣個邊方向，由其當我講到要多謝某一個人既時候，場上即刻傳出起哄聲，雖然我無指名道姓，但明眼人都知我係講緊小欣佢，好快就順利完成我既演講，雖然唔係講得話好，但係都可接受啦...係場下既掌聲之後我慢慢落返落台。

去到最後一個環節，係大眾期待既歌舞團表演啊！當司儀宣布有請歌舞團為大家送上精彩演出後，台下由一遍死寂聲變為一遍熱鬧聲，當中男同學既歡呼聲係為最大聲，是因歌舞團係由六位女同學所組成，佢地係專門跳一啲韓國女團既歌舞，佢地仲經常幫學校拎好多獎返黎，係真正既校園風雲人物！

好快大家都沉醉係歌舞團既表演下，直到結束為止。白駒過隙結業典禮已經完滿結束，接下來就係漫長既暑假，暑假過後我就由中五變為中六，本應今年我就應該中六畢業，但而加諗返起如果我無留班既話咁我咪無機會遇到小欣佢囉，好彩我有留到班姐，嘻嘻！









光復香港，時代革命！