為左追到女神我要成為全級第一！: 第三十八章：

係我一邊挽手機同一邊飲野個時，突然有人拍下我個膊頭，本身我以為係小欣佢終於過黎，點知我一轉身一睇竟然係啊傑同啊儀，佢兩個同時間問我做咩坐係小食部到仲未走嘅。之後我好自然咁同佢地講我係到等緊小欣佢過黎。

佢地一聽就話果然係等緊女朋友仔，我就笑住話：咩野呀....之後佢地留係到陪我一齊等小欣黎。過多幾分鐘我就係近小食部個樓梯口聽到小欣把聲同埋一把男仔聲，我聽到聲之後就即刻望向樓梯口個邊，把男仔聲係啊飛佢，睇佢個樣笑得咁得戚，唔通佢就係今次嘅全級第一係佢。

小欣見到我望住佢之後佢勁開心咁走過黎，究竟佢因咩事而笑得咁開心呢？佢一黎就問我今次考成點，我就答佢唔錯啦就反問返佢考成點。佢聽完我咁問之後，就笑住咁同我講今次考到全級第三返黎，我媽媽聽到之後就話要帶我去食自助餐慶祝下啊。

見到小欣笑到見牙唔見眼，我都放下左心頭大石。小欣細細聲同我講：威啦全級第二，比你高我一名添！我就話乜你原來你知架....之後啊飛突然搭嘴話：可惜啊！有我呢個對手，你都幾難可以拎到全級第一返黎，不過我都佩服你可以係短時間進步到咁多，話晒都由全級最尾一下子升到去全級第二！

嘩！佢串到呢...我就好正經咁同佢講話唔定下年我可以拎到全級第一返黎呢！之後啊飛就話好啊！等你到時再挑我機，啊俊同學！然後佢就離開左我地。啊傑同啊儀就叫我下年一定要打倒佢，我摸住自己個頭講盡力啦！





啊傑提議到：見今日咁人齊不如我地搵啲野去挽啊！小欣同啊儀都異口同聲講好啊！而我就用一副冇所謂嘅眼神去望住啊傑。啊儀就問啊傑有咩諗法，啊傑就好激動咁講不如我地去露營啊，之前上網睇片見到好似好正咁！

本身我以為佢兩個女仔一定話唔好啦，點知小欣第一個話好啊，之後啊儀都附和小欣佢話好。而我當然話好啦，話晒又可以同小欣佢一齊相處啦！我地決定好係結業禮完左個下星期六先至去露營，大約係兩星期之後，呢段時間都夠我地準備好晒去露營要用既野。






要大家等候多時真的十分抱歉




感謝各位讀者的耐心等候！