為左追到女神我要成為全級第一！: 第三十六章：

好快所有考試都已經考晒啦，幾星期前考既口試我都考得唔錯，我仲比我之前教過我既老師都話我完全改變晒，由一個冇所事事既廢青變成一個又勤力又博學既人。呢一切都要歸功於小欣身上，冇佢邊到會有今日既我。

我有時候都會係到諗如果係我人生入面小欣冇出現既話，我會唔會仲係一個廢青呢？雖然唔洗諗都知大機率係，好彩我可以遇見小欣，為左可以得到對的人，我付出幾大努力都可以。

啪！有個人好大力拍落我背隻到，我痛到大叫一聲！我另轉身一望係小欣佢，佢笑笑下問我諗咩諗到咁入神，叫左我個名幾次都唔應佢。我同佢講我係到諗到時我拎到全級第一個時應該點樣同你表白比較浪漫，小欣聽到之後就面都紅晒咁講人地邊有講過會同你一齊喎！

我笑而不語。之後突然醒起我地就遲到，因為我地今日約左啊傑同啊儀佢地去唱K同打邊爐，於是我地就急急腳搭巴士去旺角搵佢地。上到車之後我同小欣就用一對耳機一齊聽歌，轉眼之間我地就到左旺角，而啊傑同啊儀仲有幾個同學一早係K房等緊我地。

去到K房門口已經聽到啊傑同啊儀啲笑聲，我一打開門，啊傑就話個兩位主角終於黎啦！而啊儀都附和啊傑都一齊講主角係要最後先出場，我就話咪挽啦，快啲去唱歌大哥大姐！啊儀就拖實小欣佢，話要小欣佢即場唱返首歌，要我地成班睇佢表演喎！





小欣佢諗都冇諗就簡左首舒情歌黎唱，自從佢生日個時聽過佢唱歌之後都冇再聽過佢唱歌啦！佢一邊唱歌一邊深情咁望實我，搞到我都心花怒放，沉醉係小欣既歌聲之下，直到成班人歡呼鼓掌我先回歸現實。

小欣唱完之後，成班就推左我出去要我同小欣一齊唱返首，話係作為遲到既懲罰。小欣就簡左首小酒窩一齊唱，有驚無險之下終於合唱完啦！應援聲永遠都好大聲，搞到我同小欣好似係演唱會上面唱完咁樣。

唱多一陣之後，大家就係K房影左幾張相之後就轉場去食野。今晚大家都講好左話食打邊爐，啲野食一黎到，個個都好似幾日冇食飯咁，係咁將啲牛肉放晒落個鍋到，過多陣就夾起晒所有啲牛肉，好彩我都算係運動員，運動神經比較好，我都幫自己同小欣夾到啲牛肉，個肚總算有返啲著落。

轉眼間大家都食得好飽，準備埋單返屋企休息。我作為小欣準男朋友，當然有義務送小欣佢返屋企。同佢地講聲再見之後我同小欣就踏上回家的路，係巴士上面，小欣好快就挨住我膊頭訓著左，而我就一路望住出面啲夜景。


祝各位2020年新一年快樂！




2019年雖然過得唔算太好 但新既一年新既開始
希望大家都過得開心啦！
最後都係個句：
光復香港 時代革命，
五大訴求 缺一不可！