為左追到女神我要成為全級第一！: 第三十五章：

轉眼間已經去到星期五啦！只要考埋今日商業會計同聽日既說話考試就考晒所有試啦！到時候一定要約小欣周圍去挽，諗起都好興奮。唔經唔覺已經返到學校門口，小欣個科旅款係係下午先考，而我個科係上午考，搞到我要晨咁早起身返學。

一到課室見到同科同學個個都做緊最後準備，而我都唔例外咁加入左呢場戰況入面，唔知係咪琴晚做到有啲夜，我竟然打左個哈欠仲要一路打左三個哈欠，於是我襯仲有少少時間去左小食部買包朱古力食同埋去個洗手間洗下面。

果然精神左好多，等多一陣老師終於黎到準備開考，考試既過程都算順利，雖然最後一題我一開始結平唔到，但最後都比我慢慢解答左出黎，時間亦都岩岩好夠鐘停筆。

我考完試既時間正正係小欣準備去考試既時間，我同佢對小欣互相對望一眼之後，小欣就入左去課室準備考試，為左小欣佢考完，我搵左幾個同學一齊落操場打波，鬥左唔知幾耐波之後，我聽到有人叫我個名，係小欣啊！佢終於都考完啦。

但由於場波仲味分出勝負，所以我叫左小欣等多我一陣，等我分出勝負先，而加係18分和，21分完場，只要是但一隊射入三分波就可以贏波。大家為左可以贏波都好盡力咁防守同進攻，我地雙方比分都咬得好緊。見小欣等得有啲耐，我最終係三分線到起手，個一刻時間好似變得好慢，我地全部人都望住粒波有冇入。





入左啦！唔知點解小欣好似仲開心過我咁，完場之後我走去搵小欣佢，點知佢一早準備好水比我飲同紙巾抺汗。之後我地去左食下午茶，見今晚大家都得閒加上聽日只係考説話考試，所以我同小欣約左今晚去睇近排新上映既喜劇電影。

返到屋企沖過涼就準備食煮家飯，今晚個餐特別豐富，食到我好飽啊！坐下沙發休息左一陣，就出發去接小欣去睇戲。係小欣樓下等左一陣終於小欣到啦！之後我地慢慢咁行去戲院到，張戲飛我一早係網上買左，去到只要換返張飛就可以啦。

轉眼間就到戲院啦，我去換返張戲飛，而小欣就去買爆谷同汽水，搞掂之後我就同小欣一齊入場準備睇戲。睇左一陣小欣就覺得好凍，但我又唔記得帶外套，於是我拎起裝汽水個架，我叫小欣攬實我，起初佢因為周圍都有人所以怕羞冇咁做，但隨著時間過去，小欣開始頂唔順。

我見佢忍凍忍到咁好笑，於是我伸手攬實佢，小欣比我既舉動有點小驚訝，但好快就受落。歡樂時光總是過得快，套戲終於播完啦！喜劇果然係喜劇，我同小欣都笑到肚痛。出返去戲院出面又即刻變返好熱，搞到我同小欣都忍唔住想食糖水消下暑。

食完糖水之後就送小欣返屋企，臨分開之前我同小欣講要早啲訓啊，聽朝仲要考口試啊！之後佢笑笑口咁同我講：你顧掂自己好過啦！之後仲扮鬼臉。我捉住佢然後係佢額頭輕輕一吻。





而我就慢慢行路返屋企，返到屋企我好快沖完涼就上張床訓覺，靜待明天既來臨。