為左追到女神我要成為全級第一！: 第三十四章：

朝早7點鐘鬧鐘準時嘈醒我，琴晚訓得好冧，所以今日我應該會特別精神，離開房間。去完洗手間洗面刷牙之後，一出到去飯廳就聞到好香既多士味道，原來今日爸爸媽媽都放假係屋企。媽媽知我呢個星期都係考試週，所以都專登炮製一個豐富嘅早餐比我食。

食完之後我就急急腳行返去學校做最後準備，本身我以為我應該係第一個返到黎，點知我係學校樓下睇到我個班房開左燈，行到上課室一打開門就見到小欣自己一個坐左係到好專心咁溫書。佢戴住耳機去溫書，所以冇留意到我返左黎，我放低左書包之後，輕輕咁走過去比個驚嚇佢。

佢比我突如其來既拍一拍，嚇到成本筆記簿都比佢整跌落地下到，之後佢即刻另轉身想知邊個拍佢，佢一另轉身就望到我企左係到，佢知係我拍佢之後就扮嬲唔理我，執返本筆記繼續溫習。見佢唔理我，我就坐係佢前面個位到望住佢溫習。

我望到佢實一實，佢見我望住佢唔郁塊面比我搞到開始泛紅，之後佢忍唔住放低支筆開聲問我望完佢味，我笑住咁答佢係咪而加連望下未來女朋友都唔得啊！點知佢好認真咁答返我岩先冇啦啦拍佢係咪好好挽啊！我心中突然有種不安，死啦佢似係堅嬲...

我見小欣咁既態度，我立刻扮衰仔同佢係咁講sorry，要佢唔好嬲我。點知小欣突然之間係到大笑，笑到停唔口，而我個時個樣一臉黑人問號。之後小欣笑住咁同我講：你唔係真係信我嬲左啊？
我：你岩先咁既聲線再加埋你個樣，我真係信架...




小欣：真係比你笑死，我啲戲係咪可以呢？
我：我相信遲下連奧斯卡影后都比你拎埋啦！
小欣：咩喎，串我咁喎！
我：點敢啊未來女朋友！
小欣：算你啦未來男朋友！

轉眼間班房就坐滿晒人啦，大家都準備好一陣通識科考試，由於一陣隻手會好重要，所以我係考之前幫隻手係咁拉筋。考試開始啦！一打開試卷係我熟悉既題目，經過一番戰鬥終於係限時之前搞掂好份卷，我好肯定今次冇十成都有八成啊！

考完之後我就同小欣就去左我鄰居陳叔叔間餐廳到食飯，陳叔叔見我帶住個女仔入黎，係到偷偷地笑，佢拎個餐牌過黎個時講左句今個星期推出左情侶套餐喎要唔要試下啊？我聽到之後就同返陳叔叔講小欣仲味係我女朋友黎...





陳叔叔笑住咁講返都唔知你班細路係到諗乜既，食咩啊？小欣就叫左個卡邦尼意粉，而我就叫左個日式豬排飯。好快野食就送到黎啦！我地都係到傾下啲閒計，好快就食完呢個美味既午餐啦。埋完單之後我就送小欣佢返屋企，送完佢返屋企之後我就準備複習返聽日要考既科目：商業會計。

由於我想我係大學可以讀到工商管理，所以呢一科由我高中開始都好認真讀，睇黎聽日應該都係輕輕鬆鬆咁完成份卷，但我都唔敢太放鬆，逼自己係咁做老師之前派比我地既前幾年既試卷，一食完晚飯就衝返入房繼續做，一路做到沖涼訓覺先停。

冇計啦為左小欣為左拎到全級第一，幾辛苦都好我都要捱落去。