為左追到女神我要成為全級第一！: 第二十三章：

係星期日既早上，我好自然咁醒左，望一望窗邊見到一遍藍天白雲，睇黎天公仍然做美，再望一望手機睇下而加幾點，原來已經10點鐘，距離我同小欣既約會仲有兩個鐘頭，即係我可以慢慢咁去準備下。

我飲左啖水，就去左沖過涼，係沖涼過程中我係咁思考一陣同小欣既約會點樣可以做好啲，沖完涼之後，我就拎晒啲衫褲鞋襪出黎襯，反反覆覆咁襯黎襯去，最終都係簡左白色襯衫同著黑色牛仔長褲。

咁樣搞法唔經唔覺都已經就黎12點，我wts小欣係九龍灣地鐵站到等，之後再搭去旺角到食野，我拎埋小欣份生日禮物，著埋對白色運動鞋就出去地鐵站到等小欣佢。

去到地鐵站等左一陣，突然間我感受到有人拍我背隻，我立刻另轉頭望後面，我見到小欣著住白色T恤同黑色短裙，小欣佢化左一個日系妝，真係好L靚啊！如果唔要面咁講，其實我同小欣都係同色情侶衫。

小欣一黎就問我：等左好耐啊？
我：唔係啊，我都岩岩先到。（其實我都等左成10幾分鐘左右，不過算啦佢今日生日佢今日大晒。）




小欣：係咩，咁我地快啲行啦，我好肚餓啊！
我：行啦行啦，淨係識得掛住食。
小欣：咩喎，人地今日生日啊，緊係要食返餐好啦！
我：好啦，而加就帶你食好西啦！
小欣：好嘢！

係搭地鐵過程中，我同小欣講話今晚會有一個好大既驚喜，佢聽到之後就話係咪真架，唔好呃我喎，我就話到時你咪知囉。話咁快我地就到旺角啦，我今日帶小欣去食日式燒肉放題，話貴又唔算貴，價錢還可以接受啦。

小欣話佢煮野食有一手，所以話要比佢黎燒，咁好既我可以同啊儀佢地傾今日行動細節，由於我今日帶小欣去個到，變左要啊傑自己一個去幫手拎蛋糕，不過啊傑都同我講話冇所謂啦，啊儀就要我地遲30分鐘先好黎，因為佢地要去佈置好派對屋。





小欣見我掛住挽電話唔食野，於是佢竟然用筷子夾左塊肉係我口前，佢仲笑住咁同我講快啲食啦凍左唔好食架啦！之後我下意識咁張開口食左塊肉佢。我放低左手機開始同返佢傾計，我地都係傾返班入啲是非個啲姐。

好快我地就食到好飽，係準備買單之前，我拎住裝住小欣生日禮物個紙袋出黎，小欣係地鐵站個時係咁問我入面咩黎，我都話一陣你會知。

我：小欣，生日快樂啊！呢份禮物我簡左好耐架，希望你中意啦！
小欣：嘩！估你唔到喎，咁浪漫都有既。
我：快啲開黎睇下中唔中意啦！

佢一開見到個條頸鏈，我就見到佢又露出佢招牌微笑啦！佢笑晒口咁同我講我好中意啊，好靚啊！我就話如果你中意既話我幫你戴係身上到啦，佢話好。戴完之後我再睇，果然同我想像一樣真係錦上添花！





小欣好興奮係咁要我幫佢影相，幫佢影完之後，佢又拉住我一齊影，搞左一輪終於肯買單走人。係出面買單個時，個女店員見到小欣頸上條鏈就話好靚喎，男朋友送架？

我同小欣聽到面都紅晒，係咁話唔係啊，個女店員好似睇得出我對小欣有野，竟然加多句好快就會係架啦！小欣聽到都係尷尬咁笑。
















抱歉近排去左發夢，所以出文時間比較不定時。
感謝各位耐心等待！