為左追到女神我要成為全級第一！: 第二十二章：

係星期二放左學之後，我約左啊傑一齊去簡蛋糕。我知小欣佢中意食草莓蛋糕，於是我同啊傑周圍睇下邊到有草莓蛋糕買，行左一陣終於搵到有草莓蛋糕買啦。之後我同個店員姐姐講話想訂個個蛋糕係星期日拎，佢話好仲問洗唔洗寫啲祝福說話，我就話幫我寫小欣生日大快樂就可以啦。

就係咁蛋糕就訂好左，我同啊傑都各自各返屋企，係我返屋企途中經過一間精品店，係個櫥窗入面望到一條好靚既頸鏈，佢係一個玫瑰花形狀中間有粒水晶。如果小欣戴係身上簡直係錦上添花，所以我諗都冇諗就走入間舖買左條頸鏈準備送比小欣佢。

今日爸爸媽媽都係屋企，終於可以一齊食飯，因為爸爸媽媽成日都唔係屋企，所以我都會好珍惜呢段時間，係食飯過程中，我地都會互相分享一下自己既事情。雖然爸爸媽媽經常要出差，但佢地都好關心我。

食完飯之後，我就同啊明出左去打波，順便叫埋啊明去小欣既生日派對。打完波之後我就返屋企沖過涼就去左訓覺，是因聽日仲要返學。呢幾日我地背住小欣佢做左好多野，係星期五個日我扮唔知咁問小欣星期日係咪你生日，小欣以為我唔記得佢生日，於是就有少少嬲咁講係啊果日我生日啊！

咁你生日正日係咪同屋企人一齊食飯？小欣話個日佢屋企人要做野所以推前左一日食，果然同啊儀講既一樣，於是我就問佢果日有冇人約你，佢話冇啊，我就問佢如果我星期日約你出黎一齊慶祝生日有冇問題啊？





佢聽完之後就答我算你啦，咁本小姐就賞面答應你啦！啊儀同我講話訂左6點派對屋，但我唔想就咁直接去派對屋到，所以我果日約左小欣12點出黎食飯要去睇戲再行陣街先去派對屋到，由於小欣佢咩都唔知，所以都直接答應話好。

係星期六既晚上我同屋企人去左間拉麵店到食野，食左一陣，我聽到一把好熟悉既聲音，係小欣把聲，仲要把聲愈黎愈接近，望住門口一睇係小欣同佢屋企人黎左呢到食。小欣望到我都係到食，就呆左望住我，我同佢互望左三秒就比小欣個家姐打破左，佢拉住小欣去個位置到坐低左。

我立刻wts小欣佢乜咁岩啊，佢手機叮左一聲之後眼眉望下我，就開始左我地既wts對話之旅，係傾左一陣，我就食完準備返屋企，小欣見到我準備走，望住我輕輕咁面露微笑，之後就繼續食野，我係眼神之中我感受到我同小欣都好期待聽日！