為左追到女神我要成為全級第一！: 第二十一章：

幫完小欣佢自己一個影完之後，小欣冇啦啦就提議我同佢一齊影，啊傑同啊儀聽到之後就係到起哄，係咁講快啲同佢影啦，我幫你地揸機。最後我坐左係小欣隔離，雙手抱著黑少，小欣就抱著王子。

影左幾張之後，我就捉埋啊傑同啊儀四個一齊影，由於我係呢入面最高個個，所以我要負責做揸機自拍個個。影完之後，義工姐姐同我地講可以去餵個兩隻狗仔，小欣就係個袋到拎左粒狗糧出黎，之後我望到王子同黑少瞬間變得好興奮，係咁撲向小欣到。

於是就開始我地既餵狗之旅，唔經唔覺都已經都去到結尾，最後我地係個門口出面影左張大合照，我同小欣都答應左一有時間就會去個邊到做義工照顧狗狗，我地大家都好不捨咁上車準備返學校解散。

係車上面我好自動咁遞左另一邊耳機比小欣佢聽，我地今次都冇訓到，我就望住窗出面啲風景思考下人生同咪間唔中望下小欣佢，我見佢係到執緊相，有時仲問我po邊張好啲，比左幾個建議之後，我就繼續望出面啲風景，小欣就同坐隔離既啊儀係到傾女人啲野。

轉眼間就返到去學校門口解散，本身諗住返屋企打返場機，啊儀走埋黎同我講小欣下星期日生日喎，諗住點搞啊。頂！啊儀啊唔講都唔記得左添...我答返佢我味諗啊，佢同我講下星期日小欣屋企人要去公幹，佢家姐要趕專題，所以提前到星期六慶祝生日，姐係我地可以係正日同佢慶生。



經過一個晚上既溝通，我地決定搞個派對屋幫小欣佢慶生，我同啊傑負責搵人去同去買蛋糕，而啊儀同埋一個小欣係班上面都幾朋友既啊心就負責訂派對屋同野食仲有去買禮物。

我地有成個星期去準備，希望可以比到一個難忘既生日比小欣佢啦。為左搵多啲人去，我同啊傑都諗住用盡一切口水去邀請啲人黎，點知啲人話係幫小欣佢慶生，諗都冇諗就答應左，由其係啲小毒毒聽到可以同小欣女神一齊慶生就勁興奮。

我忍唔住就一野拍落佢個頭，叫佢唔好諗咁多野，佢可能驚冇得去就收斂左。係禮物方面雖然啊儀佢地會去買，但我都想送我私人買比佢既禮物，為左唔想送重複既野，我都去向啊儀到打聽下，佢地都係諗住送下化妝保養品之類，我開始有啲期待下星期日既小欣生日派對。