為左追到女神我要成為全級第一！: 第二十章：

行左一陣我地終於到左今日既目的地，去到門口見到有三個哥哥同兩個姐姐出黎迎接我地，入到去之後就見到有好多狗狗跑黎跑去，小欣見到啲狗狗咁活潑可愛，都勁想快啲開始今日既活動。

佢地介紹完自己之後就幫我地分組，我地有20個人係到，於是分左每4人一組總共有5組，係我個組入有小欣同一個同班男同學啊傑同一個隔離班既女同學啊儀，帶領我地係其中一位姐姐，佢個外貌唔差，但係我心目中小欣仍然係第一！

啊傑係咁細細聲同我講話個姐姐幾靚女，話好想拎到佢IG，我就係咁同返佢講想拎人IG咪問人拎囉，佢可能睇到我開始唔耐煩，所以都專注返今日既活動。我地今日要幫狗狗沖涼，陪狗狗去挽同埋餵狗糧比狗狗食。

等左一陣個姐姐帶左兩隻狗狗過黎，兩隻都係唐狗黎都係比啲冇良心既人遺棄係條街到，一隻叫王子而另一隻叫黑少，就咁聽過名都知道都應該係根據佢地既顔色而改名，我地就帶左兩隻狗狗去沖涼房到，兩個人負責幫一個狗沖涼，我同小欣放置好王子係沖涼枱上，之後義工姐姐教我地點樣幫狗狗，教完我地就要各自各落手。

小欣佢係咁摸下隻狗仔，等隻狗仔冇咁驚，而我就搞緊個水溫，然後慢慢幫狗仔沖濕，沖濕完之後小欣就好細心咁幫狗仔用沖涼液搽上身到，而我係隔離睇住佢，望住小欣佢就好似一個溫柔善良既媽媽幫緊自己子女沖涼既感覺，見到小欣佢咁滿足，我頓時都好滿足。





見小欣咁專心幫狗狗沖緊涼，於是我就偷偷地拎部影左佢幾張相。見佢搞掂好之後，我就開水幫狗仔沖走身上既泡泡，好快我地就幫狗仔沖好涼，小欣就用風筒吹乾狗仔身上啲毛。

過多一陣啊傑同啊儀佢地都搞掂好，我地就帶王子同黑少去到狗仔遊樂場到挽，而義工姐姐就去左準備一陣要餵狗狗啲狗糧。沖完涼既王子同黑少明顯更加活潑好動左好多，我地都互相挽下大家對應既狗仔。

小欣冇啦啦同我講話想我幫佢同狗狗一齊影相，於是我而加可以光明正大咁拎部手機去影小欣，當然仲有狗狗啦！