為左追到女神我要成為全級第一！: 第十五章：

我起身去左洗個面飲左啖水，然後就係張電競椅到睇埋剩低《和你相戀做過的五件事》個幾件故事，睇左一陣之後，門鐘突然響起！

睇黎小欣到左啦喎，我赤住腳咁行去開門，一打門就見到化左淡妝同著住餐廳制服既小欣手上拎住兩袋外賣。小欣見我望住佢，於是扮嬲咁講肯比我入去味啊，好肚餓啊我！

我聽到佢咁樣講，就笑住咁同返佢講呢邊講啦大小姐。入到去之後，佢將外賣放下飯枱上，然後同我講洗左手先好食野啊，於是我同佢輪流去洗手。搞掂之後我就打開外賣盒，係海南雞飯啊，小欣個個就係揚州炒飯，講左聲唔客氣啦，我同地就開始食野。

食到一半，小欣佢突然望住我，我個時心諗我塊面係咪食到污糟左，即刻就問佢係咪！佢話唔係之後我就繼續食野。突然間小欣冇啦啦問我記唔記得琴晚啲事，我答佢除左食宵夜之外，打後啲事都唔係好記得。

我問返佢做咩啊，唔通我琴晚做左啲犯法野啊？佢立即話冇啊冇啊！食飯啦凍晒啦！聽完佢講完之後我就食埋剩低啲飯，但我都有間唔中都有望下小欣佢，見到佢好似有心事咁。





諗住問佢個陣，佢就話就夠鐘返工，遲啲先再傾啦，佢收拾乾淨枱上面啲垃圾就急急腳咁走左。佢咁樣一睇就知真係有野暪住我啦，究竟我琴晚做左啲咩搞到佢咁啊，我諗左成日都醒唔起啊。

直到佢放工個時，我係咁wts問佢到底做咩事，佢答返我都話冇野啊，再問我既話，我就唔會理你架！於是我就冇再問佢，怕佢真係唔會理我。

聽日就返學，我見咁耐都冇打下機，就諗住打返幾場先訓，點知一打就打到去凌晨3點幾。我訓左4個鐘頭就比鬧鐘嘈醒左，又要面對呢個返學日子。