為左追到女神我要成為全級第一！: 第十四章：

好快野食就送到黎，小欣同佢啲同事就開始食佢地既晚餐，轉眼之間，炒飯同炒麵已經比佢地食得一乾二淨。

食宵夜點可以唔飲啤酒，但我剩係叫左三支啤酒黎飲，因為小欣佢唔夠年齡加上佢又唔飲酒，所以只有我同佢兩個同事飲，我平時既酒量明明好好，但飲完支啤酒之後，我竟然飲完之後感到有醉意。

小欣佢好似都留意到我有醉意，於是佢放低左錢就扶左我出去，諗住送我返我屋企。係我印象中小欣拎左我銀包出黎，然後再係銀包入面拎出卡紙出黎，我突然醒起張卡紙係我屋企英文地址黎，個時係學校我係小欣面前放落去，我仲同小欣講話因為我成日唔記得屋企英文地址點寫，於是放落去提醒自己。

令我意想唔到既係小欣竟然仲記得，佢睇完之後就慢慢咁送我返去，係過程中我忍唔住想嘔，之後係小欣隔離嘔左出黎，佢講左句唔飲得就唔好學人去飲酒啦，佢係咁拍一拍我，等我可以舒服啲，我用僅於既力量望向佢，我望到既係一滿充滿擔憂既臉孔。

時間都好夜啦，小欣就急急腳咁扶我返去。去到屋企門口，小欣佢按左一下門鐘，等左一陣，先記得我同佢提我屋企人呢幾日唔係香港，所以冇人係到。之後就我褲袋搵左我條鎖匙出黎，然後馬上打開到門，扶我入去。



佢將我放係張沙發到，然後就周圍望下我間房係邊，而我間房門有張NBA球星海報，所以佢諗都冇諗就打開門，然後扶我去我張床到。之後佢就準備離開，我籍著酒意講左句：唔好走啊小欣，其實我中意左你。之後我又訓著左...

到左第二朝，我比樓上鑽牆聲嘈醒左，一起身我個頭就好痛，除左琴晚宵夜仲記得之外，之後既事都好朦朧完全醒唔起，我睇一睇手機，小欣佢wts左句比我
小欣：琴日你飲醉酒，我好辛苦先送到你返屋企，同你講啊，你而加差我一個人情啊！同埋你起左身就同我講聲，我怕你會不醒人事！

於是我就wts返佢：我岩岩先醒，但個頭有少少痛姐。
過左幾分鐘之後小欣回覆返我，佢第一句就係咁你有冇事啊，飲多啲水啦！再下句係又要人地擔心你！
我：我諗我休息多陣就應該就冇野啦！
小欣：咁你洗唔洗食野啊，我就黎放飯，睇你個款屋企又冇人，等我買啲野比你食下啦，廢時一陣餓親就唔好啦！
我覆左句咁多謝你喎，有你真好！