為左追到女神我要成為全級第一！: 第十六章：

起身諗住出去食早餐，先醒起媽媽唔係香港到，唯有落街食個早餐之後再返學，啊明一早就返去學校準備一陣既小測，得返我自己一個孤獨咁食。

食完之後就起行返學，返到去學校課室門口，入到課室見到小欣竟然仲味返到，我以為佢遲多陣就會返黎，點知去到上堂鐘聲響起佢都味返到，咁照睇黎佢應該請左假。之後我立刻wts問佢有冇事。

去到第一個小息小欣佢先覆返我。
小欣：我今朝有少少痛暈，成身都冇乜力，所以想請假休息下。
我：咁你食左藥味啊？
小欣：冇啊，啲藥費咁貴，休息下就冇事啦。
我：點可以唔食藥架！咁你屋企人呢？
小欣：今朝爸媽幫我請左假之後就趕住返工，我家姐就去左交流團，三日後先返黎。




我：咁得啦放飯個時，我買啲藥同粥比你食，比你地址我。
小欣：唔洗啦，我唔想麻煩到人。
我：咁你姐係唔當我係你朋友，你咪當我向你報答返上次你幫我囉！
小欣：咁好啦！

上多兩堂課就放飯啦，啊明話要係學校到溫習而加連飯盒都準備埋。之後我即刻去買左兩碗粥同啲藥準備去小欣屋企，去到小欣屋企門口按下門鐘，等左一陣小欣開門比我，我拿拿臨除左對鞋，拎啲野入去。

小欣戴住個圓框眼鏡，望落去都有幾分可愛。我同講小欣食完啲粥就好去食藥啦！食完藥之後，我就扶小欣上返張床到。本身我諗住轉身離開，點知小欣佢...小欣佢竟然拉住我件衫！

我即刻另轉身望住佢，佢細細聲咁同我講話想我陪多佢一陣，話有個人陪住佢會容易啲訓到。我望一望手錶，仲有30分鐘先會當遲到，於是我輕輕咁摸一摸佢個頭話快啲訓啦，我陪多你一陣啊。





過左一陣我見小欣好似訓著左，於是就準備返學。係走之前我寫左張紙仔內容係：起左身之後記得要飲多啲水啊，仲覺得唔舒服既話就同我講，肚餓既話就打比我啦，我願意成為一日免費外賣員。

就係咁我就繼續上堂，一路都有抄低啲筆記比小欣都可以跟到啲進度。白駒過隙，放學鐘聲響起了。