為左追到女神我要成為全級第一！: 第十三章：

一訓醒就覺得好肚餓，於是就開始我個人既煮食表演，轉眼之間我已經煮好左兩道菜。我打開電視一邊睇新聞一邊食飯，係屋企煮飯既唔好處，就係食完要去洗碗...而我而加正正面對咁呢個問題，算啦正所謂冤有頭，債有主，係我自己想煮野食，所以我好快就洗好晒啦。

食完飯就返左入房繼續睇返個本《和你相戀做過的五件事》，好專心咁睇左一陣，終於睇晒頭兩件事，頭兩件事分別係主角兩個去左做狗狗義工同埋上山睇日落。

如果可以同到小欣一齊去做既話，我真係願意短十年命啊！唔知小欣佢中唔中意狗狗呢？唉搞到我個心好亂啊！睇黎我應該真係中意左小欣佢，我唔理啦！我訓左係張床到，戴上耳機聽住自己中意既音樂。

聽聽下我又訓著左，突然之間有人打比我，我比個電話鈴聲嘈醒左，一望竟然係小欣佢打比我，我立刻按下接聽個個位到。
小欣：喂啊俊係到嗎？
我：係到啊，打比我做咩事？
小欣：冇啊，我岩岩放工，想食下宵夜，於是咪打比你問下你一唔一齊食姐。




我：宵夜啊，可以既。
小欣：呢邊你熟啲，有冇啲食宵夜既好地方啊？
我：我記得我屋企樓下附近好似有間專食宵夜既地方，一係你係商場門口等我，我黎接你。
小欣：好啊！但你要快啲喎，我好肚餓啊！

收線之後，我用左唔洗30秒就換好衫，之後再執一執個髮型，搞掂出得。去到商場門口，我見到小欣，但係係佢身後仲有一對男女。小欣佢見到我到左之後，又立刻露出佢個招牌笑容，個一刻我真係好想拎部手機出黎影低小欣個笑容。

而佢身後個對男女見到我黎左，都好友善咁同我打聲招呼，然後自我介紹話係小欣既同事，而我都友善咁返佢地講聲你好。之後我地四個就行去宵夜店到食野。

我同小欣就一齊，而佢兩個就係我地對面，我地幾個叫左一碟炒飯、一碟炒麵、四碗碗仔翅同埋四碗紅豆沙黎食。