為左追到女神我要成為全級第一！: 第十二章：

小欣佢聽到有人開門，於是就另轉身想講歡迎光臨，點知佢一另轉身就望到我。佢見到我之後，又即刻露出佢個招牌微笑，就話乜咁岩既，我又答返佢係囉點解又會咁岩見到你既。

之後我走行櫃臺到買左凍咖啡同一個三明治，然後我就等食物送到黎，係等待過程中我時時都會默默咁留意住小欣佢，搞到我好似成個私家偵探咁，而小欣就一路都好專住咁工作。

過左一陣我啲野食終於送到黎啦，而負責送餐個個正正係小欣，我笑咁講聲唔該晒，然後就開始品嚐我既早餐，好快我就已經食晒，為左減輕小欣既工作量，我將我用完既餐盤同垃圾自行安放好。

小欣見到我呢個舉動都笑住咁同我返聲唔該晒喎！我同小欣講左聲再見之後，就離開左咖啡廳，不過係走之前都有講返聲返工加油。

係返屋企途中經過超級市場，心諗呢幾日都食得太多外賣，想食下屋企既味道，於是就果斷咁入超市到買餸，諗左一陣就是但咁買左一啲餸菜返去今晚煮黎食，反正都係我自己一個食，好唔好食都算啦。





超市隔離有間書局，突然諗起小欣佢之前睇緊個本《和你相戀做過的五件事》。我立刻走入去書局入面睇下有冇得買，反正今晚唔想打機，睇下書都幾好。銷量雖然多，但好彩都仲剩返三至四本，我比完錢之後就拿拿臨返屋企沖返個涼。

然後我就一路食住零食一路睇個本《和你相戀做過的五件事》，我本身份人其實同書本都係絕緣體，但呢本書竟然令到我既視線停留係到，我仲睇到有啲上癮啊，果然真係幾好睇，唔怪得知小欣同啊明都咁中意睇啦。

睇睇下我就覺得有啲眼訓，於是我走左訓左晏覺，而我一訓就訓到夜晚6點幾。














明天將會暫停上傳一天，以表達對罷工的訴求。
8月6號將會同時上傳第十三章和第十四章。
感謝各位的等待！