為左追到女神我要成為全級第一！: 第十一章：

鈴...鈴...鈴...我比手機鈴聲嘈醒左，我拎起手機一望原來係啊明打比我，於是我就聽佢電話。

啊明：喂啊俊起身啦！今日咁好天陪我去球場打波啦，日日都操卷搞到我好大壓力，再唔去放鬆下，我諗我應該會好快就會崩潰啊！
我：好啦大佬，你話點就點啦！
啊明：聽你把聲都應該係岩岩先醒，你搞掂好就wts我啦！
我：知啦長氣！
啊明：係咁啦！

就係咁原本既笑諗住可以自然醒，點知啊明一個電話打黎，就冇左嚕。不過算啦而加啊明咁忙，真係除左返學個段時間外，都唔知幾時可以見到佢。





好快我就洗個臉換好衫，一打開門啊明已經一早準備好晒。轉眼之間我地身處係籃球場上，我抬頭一望天上藍天白雲，啊明果然冇講錯今日真係好好天。

突然有粒波撞落我到，啊明係到大叫啊俊爺你肯打味啊。之後我執起落波，舉手一射...點知竟然係空氣球，果然太耐冇打波，對上一次打波係五個月前，之後就一路都冇打過。

練左一陣之後手感開始返黎，啊明見我射波開始入波就話要黎場男人之間既決鬥，起初我領先啊明細分，但又比啊明後來居上，打到去平手，我同啊明都差兩分就贏波。

球權係我手上，啊明因為唔想輸所以守得我好緊，我想進攻都有啲難度，最後我用僅餘既力氣插左幾下花，然後拉開左我同啊明既距離，然後立刻起手跳射。

粒波係籃框滴左幾下，終於入波啦！一睇到入波個下我即刻訓左係到，因為真係好攰加上我又味食早餐，所以真係真係好攰啊！





之後再打多一陣，啊明就話有野做就走先，而我就諗住去食返早餐先返屋企，於是我就去左屋企附近商場到睇下食咩好，行左一陣都諗唔到食咩好，之後我廢事諗落去，就去左我經常去既咖啡廳到食野算。

一打開門，我見一個好熟悉既背影，冇錯係小欣啊，點解佢會係到既，佢仲要身穿呢到既制服，唔通佢係到返工？