為左追到女神我要成為全級第一！: 第十章：

入到去之後，我見到仲有幾個男男女女都係到睇，我地好快搵到自己個位置坐然後就等電影開始。

我默默咁凝視住小欣，佢好似好驚咁但又扮到好平靜咁，於是我細細聲咁問佢
我：你好驚啊？
小欣：咩啊，都冇驚過！
我：係咩，咪再睇下點囉！

我笑住咁同佢講，之後佢勁大力咁拍落我到，我瞬間感覺到強烈既痛楚，差啲想大叫...我都唔明白啲女人明明咁嬌小玲瓏，但係打人既力量又可以咁大力...

套戲去到一半，恐怖氣氛逐漸濃厚，突然間螢幕彈出一隻滿面鮮血既女鬼，就係呢一瞬間小欣佢嚇到大叫，之後仲捉實我個手臂，我反而係比佢既行為嚇親。





之後我時不時都會留意小欣，小欣佢係完全諗過要放手，仲愈捉愈實。我感覺到我心跳開始加快，唔通呢種感覺就係心動？我係到諗如果時間可以停留係呢一刻就好啦。

但係正所謂快樂既時光過得特別快係時候講再見！轉眼之間套戲已經播完，小欣亦意識到自己捉住我手臂到，就立刻放開我手臂，我望一望我手臂，果然有個好大既紅色手臂印。
小欣佢講左聲對唔住之後就係咁問我痛唔痛，我笑住咁同佢講：又話唔驚，點知咪又係捉到我手臂實一實。
小欣：咩喎，咁人地又唔係特登既...

我講笑咋，我問佢食唔食糖水，佢又立刻露出佢個招牌笑容，然後講左一聲好啊！好快我地就去到糖水舖到，我地一路食糖水一路講下八卦。

食完之後，突然小欣手機響起，原來佢父母去完飲宴返到黎唔見小欣係到，於是就打比佢要佢快啲返去。我望一望手錶原來而加都已經11點幾。





我見而加咁夜，所以唔放心小欣自己一個返屋企，雖然佢係都話唔洗我送佢返屋企，但都冇阻我要送佢返屋企，最後佢都接受左我既堅持，好快就護送佢到佢屋企樓下，佢笑住咁同我講再見之後就入左去大廈到，而我就目送佢離開。

送佢返屋企搞到過左地鐵尾班車，不過算啦可以安全送到小欣返屋企就已經足夠了。於是我隨手搵左架的士搭返屋企，係車上我手機冇啦啦震左一下，一睇原來係小欣wts我，要我返到去同佢講聲，我覆左句好啊就戴上我耳機，聆聽著美妙的音樂。

好快我就返到屋企，我同左小欣講我返到屋企之後就去左沖過涼，沖完涼我就好快上床訓左，由於聽日係星期六，所以我諗我會訓到好晏先起身。