為左追到女神我要成為全級第一！: 第九章：

準備得七七八八之後，我拎起電話打比小欣問佢係邊到等，佢答我話想遷就我，所以想係九龍灣地鐵站等，我答左句好啊！就離開屋企去搵佢。

由於地鐵站係我屋企附近，所以好快就去到地鐵站等佢，等左5分鐘之後，突然之間我感受到我後面有人拍我，我擰轉身一望，係小欣啊！我仔細一望，佢真係好靚啊，佢身穿一條白色長裙，真係會有種仙氣係佢身邊散發出黎。

佢見我望住佢唔郁，於是就大大力咁拍左一下，而我亦由痛覺中回到現實，我望住佢輕輕咁微笑，點知佢問我今晚佢著得靚唔靚，我答佢靚就靚囉，但係唔夠我女神靚囉！

話晒我都算係一個小宅宅，所以有中意既女神係好正常架。小欣聽到我講完之後，就好快激動咁問我女神係邊個，我當然同佢講係秘密啦！我諗應該除左啊明知之外，冇人會知道。

突然係耳邊傳來一陣咕咕聲，我立刻望住小欣佢，點知小欣塊面瞬間紅左，佢見到我望住佢，就講望咩喎，咁人地肚餓啊嘛，可以去食飯味啊...





我就問佢咁你想食咩啊，小欣佢諗左一諗之後笑左咁同我講話想食拉麵喎！我諗下附近有冇咩拉麵舖好食，又比我諗到有一間幾好食喎，個次食係因為啊明佢生日，於是就去左個時算係新開既拉麵舖到食野。

轉眼間我地已經入左去餐廳入面，我就叫左一個豚骨湯叉燒拉麵，而小欣佢就叫左一個醬油叉燒拉麵。等左一陣拉麵終於送到啦，小欣講左一聲我唔客氣啦，就開始狼吞虎嚥咁食，睇黎佢真係好似好肚餓咁。

我都開始品嚐一下拉麵既美味，我地用左15分鐘都唔知有冇就已經食晒成碗拉麵，由於我地太快食晒，加上屋企又冇人唔想咁快就返屋企，所以我同小欣都想搵啲野做下。
諗諗下話說我都好似好耐冇去戲院到睇戲啦，平時睇戲都係啊明同我睇，但因為佢而加中六所以冇太多時間去睇戲，咁岩最近上左套恐怖片我幾想睇，但又搵唔到人陪我睇，唔知小欣佢對於睇恐怖片有冇興趣呢。

小欣聽完我個提議之後，就同我講：
小欣：同你睇恐怖片我可以，但我都會有少少怕架，如果我嚇親既話你唔準笑我啊，知道味！
我：我點會笑你呢，我都會有可能嚇親架...





於是我地就去左戲院到買飛，距離開播仲有5分鐘，我地就拿拿臨去買埋爆谷同汽水準備入場。