為左追到女神我要成為全級第一！: 第六章：

係夢入面，我見到一個女仔既背影。好熟悉真係好熟悉，長長既秀髮被微風吹起，著住一件白色連身裙，身後仲散發出一道光芒，就好似仙女下凡一樣，真係難易用文字來表達出來。

我細心一看，係小欣啊！我大叫佢個名，佢聽我叫佢之後，佢回頭向我微笑，個一刻我心臟受到了一萬點傷害！然後佢回頭繼續走，我係咁大叫佢個名，佢之後都無再理我，冇論我做咩，我同佢之間既距離都愈來愈遠。

我跪左係原地，望住小欣佢離我愈來愈遠，我不禁感慨自己的一事無成，一個天，一個地，點樣拉都拉唔埋。

無幾耐我就比鬧鐘鈴聲嘈醒左，而我都由夢中驚醒了。我今日叫啊明唔洗等我叫左佢自己返去先。我換完衫食完媽媽煮既早餐後，我就戴住耳機聽住歌咁返學，平時聽住歌既我都會好有興致，但唔知係埋因爲個個夢搞到我冇晒興致。返到學校，一打開門就見到小欣已經坐左係個位到，小欣佢好專心咁睇住本書。

我慢慢咁行過去，突然拍一拍小欣佢，小欣佢比我嚇左一嚇！佢扮嬲咁話：做咩冇啦啦嚇我喎!
我：冇啊，見你咁專心咁咪整下你囉，唔好嬲啦!


小欣：哼！本小姐今日心情都算幾好，今次就算你啦！下次再係咁就知味道！
我：知啦，唔會再有下次啊！

小欣聽完我講完之後就繼續睇返佢本書，而我就坐返落自己個位到，我見小欣仍然好專心咁睇緊本書，於是我就好奇咁偷望下本書個名係咩啦，一望竟然係最近討論區經常講既校園愛情小說《和你相戀做過的五件事》。

呢幾日我個好兄弟啊明都有買左黎睇，啊明話作者將校園愛情故事描寫得好好，可以好快就令讀者沉醉係校園愛情入面。

而加連女神都有睇呢本書，咁睇黎呢本書應該幾好睇啦！如是者我就問下小欣可唔可以借比我睇，點知小欣聽完之後諗都冇諗就答我好啊，仲話自己仲差十幾頁就睇晒，好快可以借比我。

之後上堂個時小欣冇啦啦問我。


小欣：喂！乜你都中意睇呢啲書咩？
我：ok啦，呢排見啊明都有睇，我諗應該幾好睇啊，所以想借黎睇下姐。
小欣：係咩！原來啊明都有睇啊！
我：係啊！
小欣：好啦，我地一陣再講啦，要聽書啦我地！
我：嗯！