[校園][純愛]《幸運星下的預言》: 第一百零七章

第二日就正式返學

話就話踏入新一年

不過做嘅野同之前一樣都係冇變過

朝早我都係會過去搵佢

跟住一齊去學校



筱瑜:「新年快樂呀」

我:「嗰日你咪打電話講咗」

筱瑜:「面對面講多次丫嘛

希望你今年順順利利健健康康開開心心」

我:「大家咁話



係喎你唔係話有手信咩」

筱瑜:「係呀

做咩呀」

我:「攞出嚟啦」

筱瑜:「唔得喎



依家唔喺身」

我:「竟然係咁

即係吊我癮啫」

筱瑜:「估下啦

件手信喺我屋企呀

一陣放學你喺樓下等我咪得囉」

我:「好」

跟住我就喺度諗



點解佢唔帶件手信返學

係咪好似我咁為咗製造驚喜

不過唔係丫佢一早講咗有手信

驚喜大極都有限

如果送嗰啲飾物好易收埋啫

點解唔攞出嚟呢

莫非唔係飾物



我都知放咗學就實知

不過依家無聊咪估下囉

有咩會用得意去形容

真係唔知

直至佢拍一拍我膊頭先至回神

筱瑜:「喂喂你睇下」

佢指住條頸鏈

我:「係喎真係有戴喎



以為你會因為返學冇戴添」

筱瑜:「衫領會遮到啲哈哈

都唔係，

就算遮唔到都會戴啦」

我:「咁勇猛

你呢啲乖學生鍾意犯規嘅咩」

筱瑜:「你送俾我重要咁有心思



見到咪見到囉

總之我就一定戴住」

跟住佢就用對手圈住我

我:「抵錫呀你」

筱瑜:「你都要咁重視我份禮物呀

好冇」

我:「一定

我依家唔知係乜都應承你

滿意啦」

筱瑜:「嗯」


鑑於我實在估唔到嘅關係

所以我都冇特別去諗

況且放學就知啦

唔爭在等多陣啦

放咗學慣例兩個返屋企啦

一出學校門口對手就自動拖實

筱瑜:「係喎反正過咗新一年

循例都要問下今年有趣咩目標呀」

我:「同你一齊入同一間u

咁算唔算」

筱瑜:「咁我地要夾好次序喎

不過你冇野想讀咩」

我:「有又點

最緊要係你丫嘛

啱唔啱呀」

筱瑜:「講真真係唔好

如果你嗰科唔係好高分

又唔係好有興趣，

為咗同我讀我驚害咗你呀

你係咪想我自責丫」

我:「唔關你事

冇你喺隔離點樣推動我

你知啦入到去

以我咁靚仔一定大把狂蜂浪蝶」

筱瑜:「唔驚喎

因為我信你喎哈哈」

我:「下

我未見過有女朋友聽到呢樣野係咁嘅態度

咁都大你唔到」

筱瑜:「係呀我對我男朋友好有信心

咁講啦總之讀乜都好

最緊要考好個試先」

我:「係囉

呢樣都搞唔掂講乜都冇用

你唔講你目標嘅

氹完我講拍下蘿柚就走人」

筱瑜:「唔好講到咁衰

有個好低能諗法不過唔好笑我喎」

我:「講啦

幾時笑過你」

筱瑜:「其實今年自己想試下寫野

即係好似故仔之類

係咪好低能呀」

我:「真係呀

幾特別喎講嚟聽下」

筱瑜:「之前咪同你講過嘅

其實自己好想做呢啲野

即係自己構思想寫乜就寫乜

純粹取悅自己

不過一路都的唔起心肝

喂呀唔好笑我呀

我冇同其他人講過，

就連家姐都冇」

我:「咁我咪好榮幸

第一個知道未來大作家嘅宏願」

筱瑜:「痴線

梗係唔係做咩作家啦

完全唔係嗰個層次呀

真係純粹想滿足自己」

我:「滿足埋我好喎」

到時我要睇」

筱瑜:「俾你睇咪笑我

依家冇野喺手就梗係唔笑住」

我:「唔會囉

你做乜都支持

夠誠意未」

筱瑜:「到時先啦哈哈

可能到時因為懶得個講字呢」

我:「好

你又真係好彩我最鍾意睇人寫野

寫乜都支持」

筱瑜:「咁多謝先囉

把口咁乖」